Autor: Alberto

O desenvolvedor Ben Nolan vén de liberar baixo licenza Affero o seu software GroupsWiki. Este wiki facilita a edición de contidos por parte dos usuarios sen ter que aprender marcas especiais do wiki.

A ferramenta ten un deseño minimalista pensado para o traballo por usuarios noveis, unha mostra do seu funcionamento está dispoñible dende a páxina do proxecto aloxada en Google Code.

GroupsWiki conta cun editor de texto WYSIWYG moi sinxelo chamado protoedit. Ben Nolan fixo unha presentación na Railsconf sobre as características máis avanzadas de Javascript que empregou no desenvolvemento de GroupsWiki. O software está implementado empregando Ruby on Rails, un framework de pila completa para o desenvolvemento de aplicacións web.

Programa completo do simposio na web de Irontec

Algunhas das súas características:

 Decarga: Sourceforge.net

Mancomun.org organiza unha xornada dirixida a analizar as principais cuestións derivadas da liberación de aplicacións informáticas. O evento estará dividido en dúas sesións: unha primeira orientada a xerentes e directores empresariais para analizar a cuestión desde o punto de vista empresarial e outra pensada para técnicos e as dificultades técnicas que poden xurdir no proceso.

Este encontro enmárcase dentro dunha acción de Mancomun.org para elaborar unha Guía de Liberación que responda de xeito claro e sinxelo ás principais interrogantes que poden xurdir antes, durante e despois do proceso de liberación. Coa elaboración desta guía calquera persoa interesada poderá solucionar as dúbidas máis comúns relacionadas e poderá ser reaproveitada pola comunidade para facer difusión. 

Xa está dispoñible a nova tradución ao galego do OpenOffice.org. A versión actual é a 2.3.0 e atópase traducida ao 99% tanto na parte da interface como na de axuda.

Desta vez, poderemos descargar esta nova versión desde a web Mancomun.org, gl.openoffice.org (sitio web oficial da comunidade galega de OpenOffice.org) ou desde o sistema de descargas oficial do OpenOffice.org (non están dispoñibles todas as versións).

Entre as novas funcionalidades destacan:

A continuación preséntase unha listaxe de cambios por aplicación máis completa:

XERAL:

• Melloras en usabilidade
• Actualización en liña desde a aplicación
• Instalación simplificada baixo GNU/Linux
• Ligazón directa para descargar extensións desde a aplicación
• Previsualización en HTML desde o menú “Ficheiro” 
• As macros contan agora con niveis de seguridade para execución e camiños de confianza
• Máis información e outras propiedades dos ficheiros dende o separador “Propiedades-Xerais”
• Mellores gráficas 3D con máis características, un uso máis sinxelo e melloras nas escalas a usar por defecto

WRITER

• Exportación de documentos a páxinas Wiki
• Corrección ortográfica en distintas linguas para distintos parágrafos
• Melloras ao mostrar imaxes nos documentos
• Implementación completa de Smart-Tags
• Melloras na exportación a PDF

CALC

• Melloras na impresión
• Atallo directo de teclado a formatado de cela
• Melloras de importación de táboas dinámicas desde formato de Excel
• Melloras na suma automática
• Soporte para matrices e vectores importados de Excel
• Inicial en maiúsculas desactivada por defecto
• Cambio de botóns entre a barra de  “Obxectos de formulario” e “Deseño de formularios”

IMPRESS

• Exportación a HTML con soporte para imaxes .png
• Reproducir música durante toda a presentación
• Animacións máis personalizables

BASE

• Tamaño axustable e independente de formularios e informes
• Maior accesibilidade por teclado
• Report Builder:: permite xerar os informes de forma dinámica e áxil. Instálase como unha extensión máis do OpenOffice.org

DRAW

• Texto alternativo para imaxes e capas de debuxos para mellorar a accesibilidade.

Mandriva liberou a súa nova versión estable das edicións “free”, que non inclúe software privativo, e “One” que inclúe drivers e software propietarios de Mandriva 2008.0.

Ademais desta liberación en Mandriva fixeron un novo deseño do sitio web Mandriva.com, máis atractivo, sinxelo e directo.

Mandriva “One” Gnome inclúe a última versión de GNOME 2.20 e Mandriva 2008.0 “One” KDE o escritorio KDE 3.5.7.

As novas versións “One” son as únicas que dispoñen de formato Live CD…

Fonte:
http://www.vivalinux.com.ar/distros/mandriva-2008.0.html

Outras novidades son:

Web oficial: http://www.silvertreerpg.org/

O goberno da provincia italiana de Savona, ao noroeste do país, decidiu migrar ao formato «open document» e posiblemente migrará os seus programas ofimáticos a aplicacións de código aberto, segundo declaracións publicadas o pasado luns.

O goberno provincial quere que o departamento de informática instale software que lles axude na creación e no mantemento de documentos nun formato aberto. Segundo un anuncio na páxina do goberno, esta migración debe ser considerada e preparada. A administración tamén declarou que «O goberno provincial adoptará o Software Libre, que é a mellor opción en termos de custos, de transparencia e de seguranza, ademais de non depender dun único provedor.». A decisión segue as liñas nacionais para o desenvolvemento da sociedade da información…

O comunicado tamén menciona que a provincia está actualmente a empregar Microsoft Office 2000 para crear os seus documentos e continúa explicando que esta aplicación xera documentos nun formato propietario. “Como consecuencia é prudente migrar a unha aplicación que garanta transparencia pois é máis seguro producir documentos nun formato aberto para todos»

Segundo a declaración, a migración a unha nova versión de Microsoft Office resultaría moi custosa, mentres que as alternativas de Software Libre teñen un coste cero en licenzas.

Ligazón á nova orixinal: IDABC

“Les Trophées du Libre” é un concurso que, desde 2003, intenta promover proxectos innovadores dentro do Software Libre, co obxectivo de dar a estes un certo recoñecemento e publicidade. Neste concurso, de carácter internacional, poden participar tanto desenvolvedores amateurs como profesionais, para obter premios que van até os 3000 €.

Con 113 participantes de 18 países, é, en palabras de Richard Stallman, a maior competición organizada para promover o espírito do Software Libre entre os usuarios. Os finalistas serán anunciados o día 1 de novembro. A lista de proxectos presentados contén programas bastante interesantes nas 6 categorías existentes.

Fonte:
http://www.barrapunto.com