Autor: Alberto

Humboldt GeoPISTA Viewer, é unha versión de Humboldt WMS Viewer para visualizar a cartografía e datos xeoespaciais aloxados en servidores GeoPISTA, ofrecendo unha forma sinxela de crear un rueiro/guía urbana para os municipios usuarios de GeoPISTA.

Para iso combina a tecnoloxía dos SIX (Sistemas de Información Xeográfica) con funcionalidades administrativas e servicios web.

Características:

– Licenza GNU/GPL.
– Cliente lixeiro web programado en AJAX.
– Busca xeocodificada (Rúas + número, POIs).
– Visualización de Puntos de Interese.
– Fácil adaptación á imaxe corporativa do municipio.
– Menús desplegables con selección de capas visualizadas.
– Visualización de capas de IDEE (Infraestrutura de Datos Espaciais Española) do IGN (Instituto Geográfico Nacional) e do WMS da Dirección Xeral de Catastro.

Anunciado na páxina de GULO atopamos o seguinte evento:

“Entre os próximos días 26 e 29 de xullo terá lugar en  Ourense o GNU Hackers Meeting. Organizado conxuntamente por GULO e GNU España, reunirá a varios hackers do Proxecto GNU que debaterán principalmente sobre detalles técnicos de paquetes e outras cuestións de GNU. Así mesmo, intentarase potenciar un maior contacto con potenciais novos colaboradores do Proxecto GNU.”…

Cita sobre este mesmo evento na web de OUSLI (Ourense Software Libre), grupo de recente creación en Ourense:

“O evento será dun perfil técnico orientado a amosar tecnoloxías de desenvolvemento empregadas diariamente polo proxecto GNU. No evento participarán hackers destacados do proxecto.

O rexistro está aberto na web do evento para toda a xente que queira participar, e tamén existe a posibilidade de enviar propostas de charlas a través da sección Call for Papers que a web do evento proporciona.”

Evento engadido á “Axenda de eventos” de mancomun.org

Fontes orixinais da nova:
http://www.gulo.org

http://www.ousli.org 

O 23 de xuño de 2007 a Galipedia, a versión en galego da Wikipedia, alcanzou a cifra de 25.000 artigos.

Este é un proxecto internacional feito por voluntarios, co propósito de facer unha enciclopedia libre, accesible, colaborativa e de balde en moitos idiomas. O obxectivo é a plena transmisión da sabedoría e o coñecemento sen restricións editoriais nin comerciais. O desenvolvemento da Wikipedia está aberto a todo o interesado en contribuír.

A Galipedia botou a andar o 8 de marzo de 2003 e ten agora mesmo 25.092 artigos…

A idea da Galipedia é a de ter, en galego, unha enciclopedia colaborativa coa que afondar no coñecemento. Para o mesmo, a Galipedia:

Respecto a algúns datos sobre as celebracións do artigo número 20.000, véxase a páxina Wikipedia:20.000_artigos.

Algunhas estatísticas máis da Galipedia son que os colaboradores fixeron 408.693 edicións desde o 8 de marzo de 2003; isto supón 8.40 edicións por termo medio por páxina, e que actualmente hai rexistrador 2.230 usuarios.

Máis estatísticas:
http://gl.wikipedia.org/wiki/Special:Statistics
http://gl.wikipedia.org/wiki/Wikipedia:Estat%C3%ADsticas

Fonte:
http://gl.wikipedia.org

Simutrans Transport Simulator é un xogo GPL para Windows, BeOS, Mac OS X (só con procesadores Intel) e GNU/Linux orientado ao transporte de bens, xente, correo e enerxía.

Igual que moitos outros xogos comerciais coma “Transport Tycoon” ou “Railroad Tycoon”, o obxectivo principal de Simutrans é crear unha economía estable, ao mesmo tempo que facemos crecer á compañía. Simutrans permite a modificación dos terreos, construción de estradas, vías férreas, diferentes tipos de paradas para os transportes, terminais, vehículos (autobuses, trens, camións, barcos, avións e máis). A creación de redes de subministro eléctrico tamén está incluída. O xogo tamén nos permite xogar contra 6 xogadores manexados pola AI (intelixencia artificial) do computador…

Relacionado con este xogo tamén temos Simutrans Starter, que é unha interface para instalar o xogo, configuralo, executalo e cargar e gravar partidas. A interface está programada en Gambas2.

Podes atopar máis información de Simutrans nas seguintes ligazóns:
http://www.simutrans.de (páxina oficial)
http://en.wiki.simutrans.com/index.php/Main_Page (wiki oficial en inglés)
http://forum.simutrans.com/index.php/board,73.0.html (páxina  oficial do foro en español)
http://en.wikipedia.org/wiki/Simutrans (información da [[Wikipedia]] inglesa)

Red Hat anunciou a súa unión á SCOPE Alliance, unha compañía formada no 2006 por Alcatel, Ericsson, Motorola, NEC, Nokia e Siemens, para fomentar a adopción do software de código aberto e o hardware «commodity» en contornos de soporte como alternativa ás plataformas Unix privativas.

SCOPE traballa con provedores que son líderes de equipamento de rede (NEP) e soportes («carrier») de todo o mundo para definir os requirimentos de hardware e de software necesarios para as plataformas abertas en contornos de telecomunicacións de misión crítica. SCOPE está a desenvolver actualmente un perfil de requirimentos para varios compoñentes de hardware e de software.

Paul Cormier, vicepresidente executivo de enxeñaría de Red Hat explicou que están a traballar «para facer que Red Hat Enterprise Linux reflicta as necesidades dos clientes que demandan unha infraestrutura moi fiábel á vez que manteñen un enfoque nos estándares». «Estamos a fomentalo coa nosa tracción no mercado e estamos encantados de estar agora aínda máis aliñados coa comunidade de provedores de equipamento de redes, de hardware e de software de telecomunicacións para ofrecer plataformas completas integradas e solucións deseñadas especificamente para as telecomunicacións».

Red Hat contribuirá ao proceso de definición de requirimentos desenvolvido pola SCOPE Alliance e serve de punto de contacto coa comunidade de desenvolvemento de código aberto para estabelecer unha orde de prioridades das características de soporte, os «roadmaps» e os tempos de entrega. Red Hat tamén ofrece experiencia e liderado en todos os asuntos relacionados coa comercialización do software de código aberto.

Timo Jokiaho, co-presidente técnico e membro do consello de directores da SCOPE Alliance, explicou que o soporte para Linux dentro da comunidade de provedores de equipamento de rede e por parte da industria de telecomunicacións en xeral «creceu moito nos últimos anos» e salientou que, na actualidade, «non hai un acordo universal para o proceso de certificación para plataformas de soporte (carrier)».

» Xming é un servidor de X Window para MS Windows (XP/2003/Vista). Xming ten moitas funcionalidades, rápido, sinxelo de instalar e portable para Pocket PC. É totalmente seguro empregando SSH e opcionalmente inclúe un cliente especial de PuTTY SSH. Xming está construído para MS Windows (32-bit x86) dende os fontes de X.Org tendo en conta as últimas actualizacións e aplicando parches personalizados no código para as compilacións con MinGW e Pthreads-Win32. Xming está licenciado baixo GNU GPLv2.

Máis información do proxecto:
http://www.straightrunning.com/XmingNotes/
  

» XliveCD permite aos usuarios de MS Windows conectarse aos computadores remotos *NIX, executar aplicacións gráficas e dispoñer do contorno de escritorio remoto dende escritorio local. O software pode executarse dende o CD sen precisar instalación. XliveCD foi creado polos servizos de tecnoloxía da universidade de Indiana para facilitar aos usuarios de MS Windows a súa investigación.
Máis información do proxecto:
http://xlivecd.indiana.edu/

» Cygwin/X porta o sistema X Window para a plataforma MS Windows. Cygwin/X consiste dun servidor X, bibliotecas X e a maioría dos clientes X estándar, tales coma xterm, xhost, xdpyinfo, xclock e xeyes. Cygwin/X, tal e como o nome indica, emprega o proxecto Cygwin o cal proporciona o API estilo UNIX para Xlib e clientes X.
Máis información do proxecto:
http://x.cygwin.com/

Recentemente liberouse Apache Maven 1.1. Maven é unha ferramenta de xestión de código aberto para desenvolvedores que empregan Java.

Nesta nova liberación resolvéronse algúns erros e fixéronse algunhas modificacións de seguridade. Esta versión 1.1 é, salvo en contadas ocasións, compatible con Maven 1.0.

Maven corre baixo sistemas operativos baseados en Unix, incluíndo Linux, Mac Os X, así como en Windows 2000/XP…

Fonte:
http://www.linux.com