Autor: Alberto

Vemos anunciadas na páxina de OUSLI as “II Xornadas de Software Libre en Monforte de Lemos“:

“Durante os días 29 e 30 de xuño, terán lugar en Monforte de Lemos as II Xornadas de Software Libre.

Nas Xornadas participará OUSLI dando dúas charlas, polo que agradecemos á organización que pensaran en OUSLI para participar no evento.

Animamos a toda a xente que poida a participar sobre todo á xente de Ourense que lle queda relativamente preto Monforte. É outra posibilidade máis de achegarse ao software libre. “

As xornadas están organizadas polas dinamizadoras tecnolóxicas da Sociedade da Información do concello de Monforte de Lemos.

Podes ver a axenda completa do curso premendo en “Ler máis”. 

A axenda completa da xornada é a seguinte:

• Venres 29 de Xuño:
• 17:45: Presentación das xornadas.
• 18:00: Aproximación ao Software Libre.
• 19:30: Pausa-café.
• 20:00: As posibilidades do Software Libre.
• Sabado 30 de Xuño:
• 10:00: Directrices migratorias.
• 11:00: O que fago en Windows, o fago en GNU/Linux
• 11:45: Pausa-café.
• 12:15: O camiño para os novos modelos de negocio con Software Libre.
• 13:00: Mesa-debate.
• 14:00: Pausa-comida.
• 17:00: Filosofía do proxecto Trisquel.
• 18:00: Taller con LIVE-CD.
• 18:30: TPV para empresarios baixo Sofware Libre.
• 19:15: Pausa-café.
• 19:45: Presentación da mascota “DIPBOT”.
• 20:15: OpenOffice.org; a liberdade na túa oficina.

Evento engadido á “Axenda de eventos” de mancomun.org. 

Podes ver toda a información e o tríptico das xornadas na súa fonte orixinal
http://ousli.org/

Inmaculada Gómez, María Isabel Vázquez e Pedro Rea, mestres do colexio público Santa Ana de Fuenlabrada de los Montes, crearon o programa interactivo «Refuerzo mi lectura con Linex» para iniciar e reforzar a lectura entre os alumnos de Infantil e Primaria.

O programa pode empregarse desde un CD-ROM ou a través da rede.

Entre os obxectivos que se perseguen con este traballo destacan o desenvolvemento das habilidades comunicativas orais, o coñecemento e o uso adecuado da lingua castelán, o desenvolvemento dos hábitos de esforzo, a comprensión lectora e axudar a expresarse correctamente, á vez que se empregan os computadores con Linex para acceder ao uso da linguaxe multimedia…

O proxecto inclúe unha serie de contidos conceptuais como contos, narracións e mensaxes orais, vocabulario básico, formas de expresión oral, entoación e pronunciación, así como contidos procedementais para a compresión dos contos, a interpretación de imaxes e de iconas, a expresión de contos e de cancións de forma individual e en grupo, ademais dunha lectura de palabras e de textos en voz alta con pronunciación, ritmo e entoación.

Tamén inclúe determinados conceptos atitudinais, como a disposición á escoita e respecto ante as lecturas dos compañeiros, o gusto e o interese por participar nas actividades da aula, o respecto e o coidado dos computadoras en clase, así como o uso do computador como recurso de aprendizaxe.

O programa está totalmente aberto e os profesores poden ir engadindo diferentes textos en forma de cancións, contos, narracións, acontecementos da aula etc. en formato TXT.

A aplicación pode personalizarse ao cen por cen variando algúns parámetros como o nivel do conto, o número de palabras por frase, a velocidade de aparición das palabras, o tamaño do encerado etc. Tamén existe unha opción denominada «Lectura paso a paso», que activa o método de iniciación para as primeiras lecturas dos alumnos.

Fonte da nova e máis información en:
Regiondigital.com

SAGA (System for Automated Geoscientific Analyses) é un software cun dobre obxectivo. Por unha banda, trátase de dotar á comunidade (xeo)científica dunha plataforma de fácil aprendizaxe para a implementación de métodos xeocientíficos, o cal se leva a cabo a través da interface de programación (API) do programa. Por outra banda, preténdese facer accesibles eses métodos de forma sinxela, o cal conséguese grazas a unha axeitada interface gráfica de usuario (GUI). En conxunto, estes elementos conforman o verdadeiro núcleo de saga: un conxunto de módulos en constante crecemento, agrupados en bibliotecas específicas.

Actualmente, a distribución estándar de SAGA contén máis de 120 módulos. A seguinte lista daralle unha idea da variedade de métodos e algoritmos implementados.

Novidades que se esperan para futuras versións:

Ruby on Gears é un marco de traballo para contidos construído 100% en Ruby. Este sistema proporciona un contorno para CRM, xestor de proxectos, xestor de documentos, intranets corporativas, sistemas expertos, motores de busca vertical, redes sociais, blogues corporativos e sitios web. Ruby on Gears será presentado hoxe en Nova Iorque no transcurso da SOAWorld Conference & Expo.

Por vez primeira, a NASA vai liberar o seu CLARAty Software, que serve para controlar brazos articulados, cámaras, desenvolvementos matemáticos e o procesamento de imaxes en 3 dimensións.

CLARAty é o acrónimo de «Coupled Layer Architecture for Robotic Autonomy» (Arquitectura de Capas Encaixadas para a Autonomía Robótica). CLARAty é un «framework» integrado para a reutilización de software robótico. Define interfaces para unha funcionalidade robótica común e integra múltiples implementacións. Algúns exemplos das capacidades que posúe son a estimación, a navegación, a locomoción e máis a elaboración de planos. Para soportar múltiples algoritmos, posúe adaptacións a diferentes plataformas robóticas. O desenvolvemento de CLARAty foi orixinalmente fundado polo «Mars Technology Program».

Fonte:
Slashdot

Máis información en:
NASA Jet Propulsion Laboratory

Como preludio aos cursos de verán da Facultade de Enxeñaría da Universidade de Deusto, organízanse unhas Xornadas de Software libre e Empresa para o próximo 4 de xullo en Bilbao. O evento é de asistencia libre e gratuíta, contará coa colaboración de empresas como IBM, Sun, Novell, RedHat/JBoss, Telefónica I+D, ESLE (Asociación de Empresas de Software Libre de Euskadi), Irontec e CodeSyntax.

É preciso realizar unha inscrición previa e o aforo está limitado a 120 persoas. O obxectivo principal destas xornadas é procurar un punto de encontro entre empresas que non desen o salto a usar tecnoloxías baseadas en Software Libre, empresas que si empregan ou desenvolven Software Libre e o alumnado que se acaban de licenciar na busca de novos proxectos de futuro interesantes neste campo…

Fonte da nova, preinscrición e máis información en:
http://www.barrapunto.com

Mandriva vén de anunciar a liberación de Corporate Desktop 4.0, a nova versión da súa estación de traballo adicada á empresa. Dende Mandriva cualifican esta nova versión como deseñada ergonomicamente, segura, sinxela de usar e de administrar.

Corporate Desktop 4.0 está orientada ás demandas empresariais, directorio de administración e integración, mobilidade, seguridade e ergonomía…

Fonte:
http://www.mandriva.com

Specsavers está tamén utilizando Red Hat Satellite Server para monitorizar de forma centralizada e actualizar todas as instalacións Red Hat Enterprise Linux. A capacidade de xestionar as actualizacións de forma remota reduciu o tempo que emprega o departamento de TI na instalación de parches. A rede Red Hat Global Support tamén foi un factor clave que contribuíu a que a cadea de ópticas opte por implementar as solucións de Red Hat, xa que dispón de acceso inmediato ao soporte local, as 24 horas do día, en calquera país onde a compañía o necesite.

Ademais de substituír todos os escritorios e os servidores das súas tendas, Specsavers substituíu varios servidores Solaris da súa oficina central. Tamén ten un número de servidores Red Hat Enterprise Linux executando un sistema ERP de código aberto para todo o seu negocio de Australia e Hong Kong. Ademais, a compañía está a utilizar outras solucións de software de código aberto como o servidor web Apache e JBoss jBPM (xestión de procesos de negocio) para xestionar o fluxo de traballo.

Fonte: Gaceta Tecnológica