Autor: Alberto

Segundo o estudo realizado por Forrester Consulting para Unisys entre empresas estadounidense e europeas que avaliaron ou empregan xa software de código aberto, o devandito software produce suficientes beneficios nas actividades empresariais como para o empregar en aplicacións determinantes para o negocio, en áreas tan importantes como o control de ingresos e a mellora do servizo a clientes.

A maioría dos enquisados no estudo tamén usan o código aberto en aplicacións determinantes para os obxectivos, mais amosan certa preocupación sobre a falta de dispoñibilidade de servizos que liberen o potencial que este código ofrece. Os participantes da enquisa ven o software de código aberto capaz de ofrecer importantes vantaxes, sobre todo, ao reducir os custos operativos globais da empresa.

Tamén existen factores como o aumento da flexibilidade de negocio que están animando claramente a aceptación do código aberto para o empregar na infraestrutura informática e en aplicacións de misión crítica:

Os servizos considéranse como un importante baleiro no código aberto. Case tres cuartos (74%) dos enquisados expresa a súa preocupación pola dispoñibilidade de consultoría, de integración e doutros servizos para o software de código aberto. Unisys xulga que é máis probable que esa gama de servizos estea cuberta por un provedor de servizo importante cunha maior competencia na subministración de solucións empresariais, que por provedores pequenos sen capacidade nin acreditación para proporcionar servizos de envergadura. Fonte: La Flecha

A UDC (Universidade da Coruña) fai un mirror dos principais proxectos de Software Libre no seu ftp: ftp://ftp.udc.es (tamén accesible a través do enderezo web: http://ftp.udc.es). Nel poderá atopar os proxectos máis coñecidos de Software Libre, tales como apache, debian, fedora, gentoo, openbsd, ubuntu etc.

Un mirror ou espello é un servidor secundario cunha copia sincronizada do proxecto orixinal, que permite quitar traballo ao servidor principal e ao permitir que os usuarios máis próximos á localización do servidor poidan baixarse o software ou os ficheiros do proxecto.

Entre os proxectos que alberga, cómpre salientar que o ftp da UDC, que xestiona a Oficina de Software Libre, xa é un mirror oficial de apache, de xeito que, por fin, existe un espello específico para Galicia (o sistema automático de descargas da web do proxecto apache (http://www.apache.org) con base na IP sabe a localización e recomenda o servidor espello máis próximo; neste caso, en Galicia recomendará ftp.udc.es). O proxecto apache completo ocupa aproximadamente 10 gigabytes. Este mirror da UDC permitirá quitar traballo ao servidor principal e engadir máis largo de banda global para unha distribución mellor do proxecto.

Na páxina de GLUG atopamos o seguinte artigo:

O Software for Algebra and Geometry Experimentation é un conxunto de paquetes matemáticos (Maxima, Octave , GAP…) cubertos pola GPL e licenzas compatibles con ela que foron reunidos baixo dun proxecto común e aos que se lles proporciona unha interface gráfica conxunta para facilitar o seu uso.

Emprega Python como linguaxe para unir todos os diferentes programas, e tamén como linguaxe de interface para o usuario, o que fai moi doado aprender a manexalo e a facer cálculos simples con el.

É, por suposto, multiplataforma; e non soamente iso, senón que tamén pode ser executado sobre un servidor – un computador calquera – contra o que se conectan os clientes, xa que a interface gráfica é un navegador web.

Máis información na páxina orixinal da noticia en GLUG  

O máximo responsable da revisión da licenza pública xeral GPL, Eben Moglen, afirmou que os intentos de Microsoft por gañar casos de patentes contra aqueles que usan o códico aberto non chegarán a ningures e todo isto grazas ao acordo entre Novell e a propia Microsoft.

Desde Microsoft afirman que Linux infrinxe máis de 240 patentes e tentarán basearse niso para convencer os usuarios de que lles paguen por esas licenzas. Hai xa uns meses, Novell pagou un diñeiral para liberar os seus usuarios de SUSE Linux de seren atacados legalmente por motivo destes temas.

Aquí é onde reside o problema: os privilexios para non seren demandados non teñen data de caducidade, de modo que poden empregarse para indemnizar os seus posuidores tanto no día de hoxe como no vindeiro ano. Mais a versión 3 da licenza pública xeral, que se completará antes de rematar o presente ano, inclúe unha cláusula que fai que esta «exoneración» de pagar indemnizacións por licenzas sexa extensible dunha persoa a todas as demais.

A versión 3 da licenza pública xeral di o seguinte: “Se, segundo o acordado ou en conexión cunha transacción ou acordo, transmite ou propaga unha obra, e con iso inclúe unha licenza de patentes que permite a liberdade do seu uso, propagación, modificación e transmisión dunha copia específica dese traballo a calquera das partes que reciban esa obra, entón a licenza de patente que inclúe é extensible de forma automática a todos os receptores da obra cuberta e das obras que dela se derivaren”.

SUSE migrará a a versión 3 da licenza pública xeral antes de que remate o ano, o cal significa que, ao ter este tipo de licenzas por parte de Microsoft, calquera que use calquera versión de Linux e que empregue a GPL estará exento de ameazas legais.

Moglen dixo que a cláusula se incluíu na GPL intencionadamente ante este tipo de situacións. “O noso obxectivo, noutras palabras, era o de engadir unha capa máis de defensa ante as agresións de patentes de Microsoft”, comentou nun seminario.

Fonte:

http://es.theinquirer.net/2007/05/21/moglen_microsoft_no_tiene_nada.html

http://uk.theinquirer.net/?article=39737

As actualizacións encóntranse dispoñibles en Red Hat Network. Dende Red Hat recomendan realizar a actualización a través das ferramentas automáticas up2date.

Fonte:
http://rhn.redhat.com/errata/RHSA-2007-0347.html

Os computadores son moi potentes, teñen unhas 12 horas de autonomía de batería, fálanse mutuamente de forma automática, teñen chat de voz, poden compartir ficheiros e todo se pode facer entre eles sen a necesidade de conexión á rede. Estase a observar que, grazas a isto, os estudantes están máis involucrados en aprender do que o estaban antes. Os computadores custan actualmente 175 dólares, aínda que o proxecto calculou que o prezo podería baixar ata os 100 dólares tan axiña como se comecen a fabricar de maneira masiva. Outros países que tamén amosan moito interese polo proxecto son Arxentina, o Brasil, Costa Rica, a República Dominicana, Camboxa, Exipto, Etiopía, Libia, Nixeria, Paquistán, Rusia, Ruanda e Tailandia.

Fonte:
http://www.laflecha.net/

A Concellaría de Cultura e Deportes de Ames lanzou en colaboración coa dinamizadora da sociedade da información do Concello un DVD con software en galego. Esta recompilación, que ten por nome Ames ten lingua, contén software propietario como o parche para o galego do Windows XP e un amplo abano de programas en galego coma Mozilla Firefox, Mozilla Thunderbird ou OpenOffice.org ademais de incluír unha distribución GNU/Linux Ubuntu.

Este concello tenta promover o galego no eido das tecnoloxías da información e da comunicación co gallo do Día das Letras Galegas e o día de Internet. O DVD contén tamén unha referencia á documentación sobre GNU/Linux e ligazóns a diversos sitios de interese.  

Os mainframes que soportaban a inxente cantidade de transaccións do New York Stock Exchange estanse a remprazar por servidores de IBM con AIX e máquinas HP con GNU/Linux. No caso dos servidores p Series de IBM, usarán AIX (un UNIX de IBM). Nas outras máquinas instalouse un GNU/Linux para arquitectura x86 que non foi revelado (estan máquinas están adicadas a tarefas de FTP)…

Para o proceso de migración contrataron a unha empresa chamada Clerity que recompilou o código do mainframe para que fose executable nos novos servidores AIX. Segundo parece o aforro foi considerable.

Fontes:

http://es.theinquirer.net/2007/05/17/la_bolsa_de_nueva_york_migra_a.html http://barrapunto.com/articles/07/05/17/2342222.shtml
http://linux.slashdot.org/article.pl?sid=07/05/17/139256