Autor: Alberto

McCaslin está baseado no procesador de baixo consumo, que recibe o nome en código Steeley, e un chipset que inclúe un procesador gráfico integrado. Segundo apuntou Anand Chandrasekher, vicepresidente sénior e director xeral do grupo Ultra Mobility de Intel, este anuncio é só o principio dunha serie de novas propostas que a compañía ten previsto lanzar ao mercado.

Así, durante a primeira metade de 2008, Intel lanzará o sucesor de McCaslin, chamado Menlow e baseado no procesador de baixo consumo de 45 nanómetros, coñecido como Silverthorne, e o novo chipset Poulsbo. A diferencia entre os dous chipsets utilizados con McCaslin, Poulsbo é un único chip que reduce o consumo enerxético e ocupa menos espazo, aspectos clave para os computadores portátiles.

Noticia vista na páxina de Amigus, asociación informática de As Pontes:
http://www.amigus.org

Edubuntu é a versión de Ubuntu para educación, deseñada para que un mestre ou un administrador de redes poida preparar unha clase de xeito rápido e sinxelo. Trátase dun sistema operativo completo de Ubuntu que inclúe aplicacións para educación, un paquete ofimático, navegador web e ferramentas de comunicación e produtividade.

O equipo de Edubuntu acaba de anunciar a liberación de Edubuntu 7.04, tamén chamada Feisty Cervatell. Esta versión inclúe a versión Desktop e Server para varias arquitecturas…

Edubuntu 7.04 Desktop permite probar Edubuntu sen necesidade de instalar o sistema operativo, cunha opción de instalación no disco duro despois de probala.

Edubuntu 7.04 Aula Server permite a instalación no teu computador así como en calquera servidor ou estación de traballo. Inclúe soporte LTSP (Linux Terminal Server Project).

Edubuntu 7.04 Aula Server trátase dun CD adicional que contén paquetes adicionais que poden ser útiles xunto coa versión Edubuntu Aula Server.

Podes conseguir Edubuntu 7.04 mediante descarga dende
http://www.edubuntu.org/Download

Fonte:
http://www.edubuntu.org/news/7.04-release

Existen moitos competidores loitando polo título do [[wiki]] máis simple ou máis fácil de usar, pero Pawfaliki gáñalles a todos xa que o wiki completo consiste nun único ficheiro [[PHP]] que pode ser configurado por calquera persoa con poucos ou nulos coñecementos de PHP. Isto fai de Pawfaliki unha ferramenta perfecta para usuarios que queren instalar un wiki persoal co mínimo esforzo, ou mesmo unha ferramenta para compartir coñecemento e colaborar un pequeno grupo de persoas.

Como Pawfaliki está baseado nun ficheiro PHP (e un ficheiro .css que controla a aparencia do wiki), instalar Pawfaliki é moi sinxelo. Só hai que copiar o ficheiro pawfaliki.php no raíz de documentos web do teu servidor, crear os cartafoles PawfalikiPages e PawfalikiTemp na mesma ruta, darlle permisos de escritura nos cartafoles e xa está instalado…

A configuración de Pawfaliki tampouco é moi difícil. Todas as configuracións están almacenadas no ficheiro pwfaliki.php e están amplamente comentadas. Isto fai a configuración de Pawfaliki incluso moito máis fácil para a xente menos experta.

Podes ler a nova completa na súa fonte orixinal:
http://www.linux.com

Poderá beneficiarse destas axudas calquera PEME informática galega que propoña a realización en Galicia dun proxecto de desenvolvemento final de aplicativos informáticos de xestión e implantación en PEME. As empresas deberán aportar para o proxecto polo menos un 25% do seu importe. A cantidade subvencionable é de ata 150.000 euros.

Os custos subvencionables poderán consistir en:
a) Investimentos en equipamento e instrumental de carácter tecnolóxico necesario para o proxecto de desenvolvemento final do aplicativo.
b) Gastos de adquisición de material funxible ou compoñentes necesarios para o proxecto.
c) Custos de colaboradores externos cando sexan prestados por Centros ou Institucións Tecnolóxicas, ata o límite de 10.000 € por proxecto.
d) Salario bruto do persoal da empresa dedicado ao desenvolvemento do proxecto, durante o período de execución e na proporción da súa dedicación porcentual.

O expediente avaliarase tomando en conta os seguintes criterios, seleccionando aqueles que obteñan maior puntuación ata o límite do orzamento asignado:

1. Empresa desenvolvedora de software adscrita a un clúster galego legalmente constituído. (10 puntos)
2. Localización do proxecto dentro de Galicia. (ata 15 puntos en áreas de especial interese, como as comarcas de Ferrol, Eume e Ortegal)
3. Número de PEME nas que se implantará gratuitamente o aplicativo. (0 – 20 puntos)
4. Custo total alegado. (0 – 10 puntos)
5. Obxectivo do aplicativo de xestión e perspectivas de incremento da produtividade nas PEME que o implanten. (0 – 45 puntos)

Mule é unha plataforma Software Libre para a integración de aplicacións. Vén sendo un ESB (Enterprise Service Bus) deseñado para soportar transaccións de alto rendemento e multi-protocolo. Mule pode ser empregado para mensaxería entre sistemas de información, como middleware transaccional, ou como parte dun servidor de aplicacións.

A natureza extensible do núcleo de Mule, así como o feito de ter o código dispoñible, permite aos desenvolvedores manter o control da súa infraestrutura.

Este ESB ten funcionalidade multi-propósito para soportar un amplo rango de tipos de integración típicos nunha empresa. A instalación básica de Mule soporta máis de 30 estándares, protocolos e tecnoloxías, incluíndo: JMS, JBI, EJB, Spring, JDBC, TCP, HTTP, Web Services, MQ Series, etc.

Descarga do software dende a páxina de MuleSource.

Podes ler a nova completa na súa fonte orixinal:
http://www.laflecha.net