Autor: Alberto

Ademais deste foro de experiencias os profesores recibirán formación en:

O curso comezou o día 23 de marzo e rematará o 23 de maio.

Este venres día 30 de marzo Mancomun.org organiza un almorzo de traballo sobre o ERP libre OpenBravo e outras ferramentas de xestión empresarial libres. Esta xornada dirixida a técnicos e empresarios vai contar coa presenza de Jordi Màs, Community Manager de OpenBravo, coordinador da comunidade de usuarios Softcatalá e experto en Software Libre con ampla experiencia no sector. O evento terá lugar na sede da Asociación de Empresarios do Polígono Industrial do Tambre en Santiago de Compostela.  As empresas interesadas en participar aínda poden apuntarse enviando un correo a mancomun@mancomun.org. A selección farase por rigoroso orde de chegada.

 Estará divida en tres sesións:

• 11:00 – 12:00 Sesión aberta: Presentación de OpenBravo ás empresas.(acceso libre)
• 12:00 – 14:00 Sesión de traballo (inscrición gratuíta con prazas limitadas para as empresas do sector TIC): Panel de debate coa presenza de Jordi Mas sobre oportunidades de negocio do Software Libre de xestión empresarial.
• 14:30 – 16:30 Sesión aberta previa inscrición gratuíta (excluído o importe da comida): Xantar de traballo.

Para as PEME a información que xestionan pode atoparse espallada en multitude de soportes: follas de cálculo, correos electrónicos, documentos no sistema de ficheiros, tarxetas de visita, etc. Toda esta información, aparte de correr o risco de ser perdida (ou non atopada), non é demasiado procesable para obter coñecemento. O obxectivo de TNTConcept é proporcionar un contorno centralizado onde alimentar todos os datos do traballo cotiá e garantir o control da empresa.

Está construída coa última tecnoloxía Java (Spring, JSF, Hibernate, Maven, Subversion , etc.).

Dende a web do proxecto pódese descargar o software, ver a documentación e os vídeo-titoriais, reportar erros, novas funcionalidades a incluír en futuras versións, …

Fonte: FSF 

Sahana, unha ONG adicada á creación de tecnoloxía para a xestión dos esforzos de axuda a gran escala, e a gañadora do premio do ano 2006 para proxectos de beneficio social. Sahana foi creada como consecuencia do tsunami que devastou o sudeste asiático en 2004, co fin de compensar as devastadoras consecuencias dos intentos dos gobernos de xestionar de xeito manual o proceso da localización das víctimas, a distribución da axuda e a coordinación dos voluntarios.

O Free Software Award for Projects of Social Benefit premia o proxecto de Software Libre que xere beneficios significativos á sociedade a través da colaboración nunha tarefa de importancia social.

O equipo fundador de Sahana, formado por traballadores de tecnoloxía de Sri Lanka, traballaron durante 3 días sen pausa para producir unha primeira release do software que foi rapidamente adoptada polo goberno do seu pais. O software resolve problemas comúns de coordinación que xorden durante un desastre e facilita, deste xeito, a busca dos desaparecidos, a xestión das axudas e os voluntarios e o seguimento das vítimas nos campos de refuxiados.

Cada ano son tres os finalistas nominados para o premio pola comunidade de Software Libre. Este ano os dous finalistas foron o Proxecto Gutenberg e o proxecto One Laptop Per Child (OLPC)

Para mais información:
http://www.fsf.org/social-benefit-award-2006
http://www.sahana.lk/

Fonte: Open Source News IDABC

O goberno de Malta inicia este mes un programa de formación en GNU/Linux. Os cursos de formación esponsorízaos a empresa IBM, e están abertos a todos os empregados en tecnoloxías da información dos sectores públicos e privados. Malta espera que esta formación incremente o coñecemento en Linux e estimule o interese noutras tecnoloxías de código aberto.

IBM tamén proporcionará formadores estranxeiros en estadías de formación de 4 semanas. Todos os cursos desenvólvense sen custo algún para grupos máximos de 60 asistentes. Se o curso é completado satisfactoriamente, o asistente recibirá a certificación como Linux Entry Level Administrator.

O programa de formación GNU/Linux é unha iniciativa do Ministerio de Inversións, Industria e Tecnoloxías da Información. Este é un dos planos desenvolvidos desde o pasado ano destinados a impulsar a sociedade da información local e desenvolver a industria local de tecnoloxías de información, explica Joanna Azzopardi, coordinadora do programa no ministerio.

O interese da comunidade maltesa nos cursos GNU/Linux superan as expectativas polo que o goberno amósase moi satisfeito coa resposta. 

Máis información: http://ec.europa.eu/idabc/en/document/6779/5943

Vénse de anunciar a creación dun novo grupo a prol do Software Libre. G.A.L.I.T.E. (Grupo Asociado pola Libre Información e Tecnoloxía) ten sede en Foz e os seus obxectivos principais son: 

O proxecto PKP naceu en 1998 co obxectivo de mellorar a calidade das publicacións académicas mediante o desenvolvemento de contornos en liña innovadores. Para elo, desenvolveron software, que distribúen baixo licenza GPL, para a xestión, publicación On-line, e indexación de xornais e congresos: Open Journal Systems e Open Conference Systems que facilitan o acceso ao coñecemento, mellorando a súa xestión e reducindo os custes de publicación.

Ambas aplicacións están escritas en PHP e usan como xestor de base de datos MySQL ou PostgresSQL. Basicamente trátase de xestores de contido adaptados para facilitar o envío, a revisión por pares e a publicación de artigos académicos. A aplicación Open Conference Systems ademais permite xestionar o rexistro de eventos e a próxima versión, que contan saia en breve, mesmo permitirá a xestión do pagamento online do rexistro.

A aplicación Open Journal Systems permite iniciar sesión con distintos papeis, como xestor, editor, revisor, autor, revisor de deseño e maquetación, cada un cunhas tarefas permitidas acordes co papel e acorde co fluxo de traballo do persoal de calquera xornal.

Na páxina do proxecto teñen á disposición de calquera versións de demostración do Open Journal Systems e do Open Conference Systems, así como documentación e axuda para a súa instalación.

Fonte: IT manager’s Journal 

Amigus, Asociación Informática de As Pontes, vai realizar diversas actividades de difusión do Software Libre entre diversos institutos da zona de Ferrol e As Pontes desde o día 26 de marzo ata mediados de abril.

Os cursos están orientados a rapaces de 3ª e 4ª da E.S.O. As datas e centros confirmados son os que seguen:

• 26/03/2007 ás 10.30 horas no CPR Nebrija – Pardo Bazán
• 28/03/2007 ás 10.30 horas no IES Moncho Valcarce
• 11/04/2007 ás 11.00 horas no CPI Monte Caxado
• 12/04/2007 ás 11.00 horas no IES Concepción Arenal de Ferrol

Amigus é un dos grupos de usuarios cos que Mancomun.org subscribiu un convenio de colaboración polo que se subvencionan esta e outras actividades de difusión.

Network PDF Server YAFPC-Appliance é unha imaxe baseada en SLAX Linux e que conta cunha versión configurada de YAFPC. Calquera computador iniciado dende este CD pode traballar como servidor de impresión PDF e fornecer ilimitadas impresoras compartidas. A configuración do sistema pode administrarse por medio dun navegador web dende calquera punto da rede. As impresoras pódense configurar para aplicar encabezados de cartas, marcas de auga e/ou apéndices a tódolos documentos impresos. Despois da impresión os documentos son enviados ao seu propietario por correo electrónico ou quedan accesibles nunha carpeta compartida no servidor.

Os requirimentos que precisa o sistema son baixos e a posta en funcionamento é moi sinxela. Para testar a funcionalidade do sistema están dispoñibles imaxes preparadas para traballar en VMware. Tamén existe documentación para a posta en funcionamento dende un lapis USB.

Descarga da imaxe ISO.

» Que é YAFPC?
YAPFC é unha ferramenta para compoñer documentos dende ficheiros PDF ou imaxes (png, jpeg), cifrar os documentos creados e envialos por correo electrónico. YAFPC está deseñado para traballar por liña de comandos e combinado con GhostScript temos as impresoras PDF compartidas por rede.

» Que é SLAX Linux?
SLAX é unha distribución GNU/Linux, baseada na distribución Slackware Linux, que se executa directamente dende o CDROM sen instalación (LiveCD).

Varias formacións políticas (BNG, Chunta Aragonesista, CIU, ERC e IU-ICV) veñen de apoiar as enmendas que Hispalinux, asociación de usuarios españoles de Linux, propón para o proxecto de lei para o acceso electrónico dos cidadáns á administración pública (LAECAP). As reformas propostas están orientadas a garantir o emprego de estándares abertos e son basicamente dúas:

As razóns esgrimidas son o dereito dos cidadáns a desfrutar do que se sufraga co diñeiro público sempre que isto non lle produza dolo e garantir a interoperabilidade dos datos de todas as administracións locais, autonómicas, estatais e europeas.