O código aberto e o Open Access no Public Knowledge Project

O Public Knowledge Project (PKP) é un proxecto híbrido que xorde da confluencia de dúas tendencias filosóficas tecnolóxicas: o movemento do Software Libre e de Código Aberto e o movemento Open Access.

O proxecto PKP naceu en 1998 co obxectivo de mellorar a calidade das publicacións académicas mediante o desenvolvemento de contornos en liña innovadores. Para elo, desenvolveron software, que distribúen baixo licenza GPL, para a xestión, publicación On-line, e indexación de xornais e congresos: Open Journal Systems e Open Conference Systems que facilitan o acceso ao coñecemento, mellorando a súa xestión e reducindo os custes de publicación.

Ambas aplicacións están escritas en PHP e usan como xestor de base de datos MySQL ou PostgresSQL. Basicamente trátase de xestores de contido adaptados para facilitar o envío, a revisión por pares e a publicación de artigos académicos. A aplicación Open Conference Systems ademais permite xestionar o rexistro de eventos e a próxima versión, que contan saia en breve, mesmo permitirá a xestión do pagamento online do rexistro.

A aplicación Open Journal Systems permite iniciar sesión con distintos papeis, como xestor, editor, revisor, autor, revisor de deseño e maquetación, cada un cunhas tarefas permitidas acordes co papel e acorde co fluxo de traballo do persoal de calquera xornal.

Na páxina do proxecto teñen á disposición de calquera versións de demostración do Open Journal Systems e do Open Conference Systems, así como documentación e axuda para a súa instalación.

Fonte: IT manager’s Journal 

Balance do Plan de Acción 2023

1 Decembro 2021 Informe

Plan de Software Libre 2024

1 Decembro 2021 Informe

#IA #PlanDeAccion #EntrevistasComunidade

Tendencias
Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal