Autor: Alberto

O Estado de Perak (Malaisia) decidiu constituír unha comisión de traballo para a implementación dunha estratexia de Software Libre e de Fonte Aberta seguindo o modelo de Estremadura.

Esta decisión é o resultado dunha visita realizada por unha representación do estado de Perak e dos acordos alcanzados entre o ministro de Educación, Ciencia e Tecnoloxía deste estado, e o conselleiro de Infraestruturas e Desenvolvemento Tecnolóxico estremeño…

Máis información: hoy.es, cibersur.com e regiondigital.com

Klaus Knopper anunciou a publicación de Knoppix 5.1.0 en live CD e DVD.Novidades:

Descarga directa:
ftp://ftp.kernel.org/pub/dist/[…]PIX_V5.1.0CD-2006-12-30-EN.iso
ftp://ftp.ntua.gr/pub/linux/kn[…]IX_V5.1.0DVD-2006-12-30-EN.iso

Torrents:
http://torrent.unix-ag.uni-kl.de/

Anuncio: http://knopper.net/knoppix/knoppix51-en.html

Neo1973 é un teléfono móvil baseado en  GNU/Linux de altas prestacións. A empresa taiwanesa First International Computer (FIC) é a fabricante deste teléfono que dalgún xeito segue a liña de Nokia coas súas PDA con GNU/Linux.

Acaba de crearse a lista galega de localización de Debian de libre suscrición e arquivo público co propósito de afortalar o soporte da distribución no noso idioma e promover a consollidación da comunidade Debian galega. Podedes informarvos da creación desta lista neste enlace e na lista de internacionalización de Debian. Podedes subscribirvos a través desta web.

Galicia aspira a estender a súa zoa xeográfica ao ciberespacio. A fórmula é lograr un barrio virtual en Internet cun dominio propio que identifique á comunidade. A Asociación PuntoGal, apoiada por 39 institucións, decidiu que era hora de comerse o mundo. Para o ano 2007, a organización ten coma fin desenvolver unha campaña de información así como de recollida de apoios a súa causa na propia comunidade, Madrid e América. Todo será válido para conseguir cos galegos poidamos dispoñer de páxinas web rematadas en “.gal” en lugar do “.es”, “.net” ou “.org” actuais. En Cataluña, xa teñen o seu “.cat”.

A propia explicación do que é un barrio virtual e complexa. O dominio daríanos a posibilidade de ter unha dirección propia. Por exemplo, no lugar de www.xunta.es; a Administración galega podería dispoñer de www.xunta.gal. A consecución do mesmo acádase a través da [[ICANN]], Internet Corporation for Assigned Names and Numbers. Trátase dunha asociación sen ánimo de lucro encargada de concedelo ou rexeitalo. Nos últimos meses e anos, concedeu algúns novos como .cat, .eu, .aero e .info, entre outros.
Para conseguir o .gal, a asociación elaborará un informe explicando as razóns polas que se desexa, unha previsión económica das páxinas que poderían incluír o dominio e como se xestionarían as altas, entre outros asuntos. Con toda esta información, presentarase unha candidatura. Descoñécese, de momento, cando xa que é a propia ICANN a que decide a data. Barállase que poida ter lugar no ano 2007 ou 2008. 

Fonte: Faro de Vigo  

Despois de sete anos de desenvolvemento dende a sua creación, o proxecto LinuxBIOS (apoiado pola Free Software Foundation, FSF) anunciou que dispón por fin dun firmware utilizable por parte dos fabricantes de placas base e ensambladores de PC’s, listo para entrar en producción.

O anuncio é importante na medida cos fabricantes de BIOS son escasos, e non existe unha alternativa funcional á segunda xeración de firmware no cal o único expoñente é por o momento a EFI de Intel.

LinuxBIOS consiste nun software mínimo para arrancar a computadora e facer que esta recoñeza e poida utilizar os distintos periféricos conectados para despois pasar ao control do sistema operativo. É o mesmo que fan as BIOS actuais, pero seguindo a ideoloxía do software libre e mellorando os puntos febles do único elemento que queda case sen cambios da arquitectura do PC orixinal.

Ao estar baixo unha licenza libre, LinuxBIOS pode ser empregada por calquera fabricante de placas base ou chipsets, con independencia da sua medida e importancia no mercado, e adaptada ás funcionalidades e peculiaridades dun hardware en concreto.

Un punto a favor para LinuxBIOS pode ser o anuncio da iniciativa OLPC (One Laptop Per Child) que utilizará para equipar os seus equipos dirixidos aos nenos con menos poder adquisitivo dos países máis desfavorecidos.

Entre os diferentes apoios recibidos a o largo da historia do proxecto destácase o de Intel que ao principio mostrábase moi entusiasta proporcionando información sobre os seus produtos coma procesadores ou chipsets, pero na medida co seu propio proxecto de BIOS de próxima xeración (EFI) ía evolucionando, mostrábase menos disposto a proporcionar información ao proxecto LinuxBIOS ata abandonar o proxecto. AMD en cambio seguiu o camiño contrario, ao principio confiando pouco no proxecto pero entusiasmándose ata converterse actualmente nun dos seus apoios máis importantes.

Entre o resto das compañías que apoiaron a LinuxBIOS atópanse Acer ou SIS, un dos integradores de PC’s máis importantes do mundo, e un dos fabricantes de chipsets tamén máis importantes do mundo, ademais dalgunhas compañías máis pequenas e menos coñecidas.

O proxecto chegou a un resultado definitivo e xa pode entregarse a calquer fabricante para o seu uso. LinuxBIOS xa estaba sendo empregado para equipar a máis dun millón de computadoras en todo o mundo, especialmente en países menos desenvolvidos como a India, en máquinas proporcionadas por fabricantes locais.

LinuxBIOS está preparada para arrancar de forma mínima a máquina e pasar posteriormente o control desta a un sistema operativo. Esto faise mediante o que se chama payload, unha peza de software intermedia que contén as instrucións para cargar un sistema operativo concreto.

Fonte: Libro blanco del software libre