Dispoñibles os materiais das II Xornadas Sourcepyme

O pasado xoves 13 de Decembro tivo lugar a “II Xornada SOURCEPYME : Software libre na empresa. Modelos de negocio” en Paterna, Valencia. As xornadas tiveron moi boa acollida, e segundo os organizadores contaron coa asistencia de 350 empresas e un total de 10 relatores procedentes de diversos puntos da xeografía nacional.

O obxectivo das mesmas era presentar os resultados acadados nos dous primeiros anos de vida do proxecto Sourcepyme, así como presentar casos de éxito de implantación de Software Libre en empresas.

Durante o 2007 realizaron a ENQUISA SOURCEPYME 2007 a empresas provedoras de aplicacións e/ou servizos de Sw Libre e a empresas usuarias de Sw. Libre, da que presentaron os seus resultados.

A principal conclusión dos resultados da enquisa a empresas provedoras é que a gran maioría de empresas TIC perciben unha demanda de servizos/solucións/produtos Software Libre de parte dos seus clientes, pero que no saben dar resposta a dita demanda porque no coñecen modelos de negocio sostibles que lles permitan gañar diñeiro.

Os principais resultados da enquisa dirixida a empresas usuarias de Sw. Libre, achegan as seguintes conclusións:

  • O 86% das empresas coñecen o Software Libre e unha ampla maioría o usan máis que hai 2 anos.
  • 2/3 partes recoñecen que o uso de Software Libre diminuiría a piratería.
  • 2/3 partes recoñecen que a migración de aplicacións a Software Libre NON supón cambio traumático nas empresas.
  • O 70% afirman que o uso do Software Libre facilitaría o acceso ás TIC da peme.
  • Finalmente, a maioría recoñecen que as aplicacións baseadas en Software Libre satisfán as súas necesidades.

Na segunda parte da xornada, amosáronse casos prácticos de éxito a nivel internacional, nacional e autonómico, sobre coñecemento aberto e empresas.

O Director Xeneral de OPENBRAVO describiu por que o seu software de xestión empresarial (ERP) liberado hai 18 meses, ten 420.000 descargas. Falou da importancia de “tecer unha rede” de colaboradores que desenvolvan Sw de forma colaborativa e de explotar un modelo máis lonxe do cobro por licencias de uso e máis preto do cobro por servizos de consultoría, adaptación, formación, soporte, etc.

Falouse dos logros de implantación de LLIUREX no sistema educativo Valenciano, co 58% dos ordenadores migrados, así como das oportunidades de negocio para o sector TIC local que se avecinan nun futuro próximo.

Presentouse tamén a Comunidade MORFEO, comunidade de coñecemento e colaboración en torno ao modelo asociado ao software de código aberto, centrada no desenvolvemento de software de plataforma que permita crear ecosistemas de empresas capaces de prestar servizos e realizar desenvolvementos en torno a ditas plataformas e deste modo crear negocio.

QUER SYSTEM, mostrou como unha empresa TIC pode rendibilizar a aposta polo Sw. Libre conseguindo que os seus clientes paguen polo servizo que aparentemente poden acadar de balde na web.

A empresa RESIMOL, ensinou como unha PEME de 15 traballadores, pode dispoñer da maioría do sw empresarial que utiliza a diario, de forma que sexa libre: sistemas operativos (Ubuntu), aplicacións de ofimática (Openoffice ), aplicacións de xestión de almacén (PDA conectada mediante aplicación PHP co ERP), pasando polo CRM (SugarCRM ) para xestión das relacións cos seus clientes e sistema de xestión documental (Alfresco) para depositar a documentación nun repositorio segundo os perfiles dos provedores ou clientes que deban acceder á mesma.

Fonte: Proxecto SourcePyme  

Balance do Plan de Acción 2023

1 Decembro 2021 Informe

Plan de Software Libre 2024

1 Decembro 2021 Informe

#IA #PlanDeAccion #EntrevistasComunidade

Tendencias
Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal