Gañadores do concurso "Les Trophées du Libre" 2007

A primeiros de decembro déronse os premios da 4ª edición “Les Trophées du Libre” aos gañadores deste concurso internacional de Software Libre.
O éxito deste concurso vén avalado polo cantidade de proxectos internacionais presentados este ano, un 60% fronte ao 20% do ano anterior. A metade dos proxectos eran europeos e a outra metade do resto do mundo. En total foron 149 concursantes presentados de 29 países diferentes.

Nomeáronse como finalistas 18 proxectos e resultaron gañadores 6 deles, un por cada unha das seguintes categorías: Seguridade, Xestión empresarial, Educación , Xogos/multimedia, aplicacións para o sector público e aplicacións científicas.

Cada un destes 6 gañadores recibiron a suma de 3000 €, un portátil, un cupón por valor de 150€ de Editions Eyrolles e hospedaxe con Nexen Services. Ademais recibirán axuda de CETRIL (Centro europero para a transferencia e investigación en informática libre) para os seus desenvolvementos e un ano de aloxamento de balde en Soissons. Tamén recibiron premios de menor cuantía os finalistas.

Este ano foi concedido por vez primeira o Premio especial do xurado, escollendo un proxecto de entre todas as categorías pola súa natureza innovadora e déuselle ao proxecto científico Bioclipse, do departamento de Biociencia Farmacéutica da universidade de Uppsala, en Suecia. Este proxecto ten por obxectivo crear unha plataforma visual para quimio y bioinformática baseada en Eclipse Rich Client Platform (RCP).

A lista de gañadores do 2007 é:

  • Seguridade: rsyncrypto (Israel). Aplicación de encriptación de ficheiros que permite a sincronización do ficheiro orixinal e o ficheiro encriptado.
  • Xestión empresarial: LimeSurvey (Alemania). Ferramenta de enquisas que permite aos usuarios crear os seus propios cuestionarios cun número ilimitado de preguntar. As enquisas créanse dende unha interface de administración.
  • Educación: Chronojump (España). Sistema completo para a medición, xestión e xeración de estatísticas de saltos e outras accións.
  • Xogos/Multimedia: mediabox404 (France). Solución de automatización de radio na web para o control do fluxo dos programas musicais.
  • Sector público: DRBL (Taiwan). Sistema de arranque remoto sen disco en Linux. Proporciona un contorno de arranque sen disco ou sistema para equipos clientes.
  • Software científico: SAGE (United States) permite usar e estudar un amplo rango de áreas matemáticas como álxebra, cálculo, cálculo numérico, teoría de grupos …

Fonte: Les trophées du libre

Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal