PoEdit é un editor de catálogos gettext (ficheiros .po) multiplataforma. Está feito con wxWindows toolkit. Este proporciona unha maneira fácil de editar os catálogos con algunhas características como soporte de plurais, comprobación ortográfica, resaltado de cadeas dubidosas e sen traducir, resaltado de espazos en branco e edición de cabeceiras. Tamén pode empregarse para crear novos catálogos ou actualizar os existentes dende o código fonte cun simple clic.
Esta aplicación require GTK+ versión 2.0.x. e wxWidgets >= 2.6, GtkSpell, Berkeley DB
Esta última versión (1.3.7) ten as seguintes características:
- Windows: xa non haberá paquete binario oficial para Windows 95/98
- OS X: poEdit ten binario universal
- corrixido o menu Preferencias no xestor de catálogos
- corrixidos problemas na referencia de ficheiros en camiños Windows sobre Unix
- corrixido fallo na conversión unicode
- OS X: corrixido erro na apertura de ficheiros PO
- corrixida apertura de ficheiros fonte en editor externo se o camiño ten espazos
- Windows: corrixida navegación por teclado no diálogo de busca
- engadidas máis traducións
Páxina oficial: http://www.poedit.net/
