Dispoñíbel en galego o segundo capítulo de Ubunchu

A Oficina de Software Libre da UDC, acaba de informar mediante a súa páxina web, que a versión en galego do segundo capítulo da banda deseñada Ubunchu xa está dispoñíbel para a comunidade.

Mancomun.org xa dera conta recentemente da publicación deste segundo episodio de Ubunchu, pero ata o de agora non estaba dispoñíbel en galego. Novamente, grazas ao traballo de tradución da Oficina de Software Libre da UDC agora podemos gozar desta educativa banda deseñada.

O segundo episodio deste manga, que conta as aventuras dun club de administradores de sistemas que empregan Ubuntu, leva por título “ILC con Gnomos!” e conta, nesta ocasión, como os protagonistas se poñen a aprender o emprego da interface de liña de ordes (Command Line Interface ou CLI, polas súas siglas en inglés), para o cal comparan as ordes con gnomos e os argumentos que se lle poden engadir ás ordes como as ferramentas destes.
Este manga pódese descargar nas seguintes ligazons:

ILC con Gnomos![pdf]

ILC con Gnomos![svg]

Fonte: http://softwarelibre.udc.es/