O sábado 24 de outubro, celebrarase o próximo obradoiro correspondente ao 3º ciclo dos Sábados Libres na Altamar organizado por GALPon, que desta volta adícase á Edición de textos con LaTeX. Coma sempre, terá lugar na Residencia Xuvenil Altamar.
Este obradoiro de introdución a LaTeX estará dirixido por Miguel Cacho, usuario de LaTeX e profesor investigador na Universidade de Vigo. O horario do mesmo será o habitual, de 10.00 a 14.00 e de 16.00 a 18.30 podendo prologarse o remate en función dos contidos.
Guión preliminar
- Paquetes necesarios
- Engadir ficheiros
- Símbolos matemáticos
- Cabeceira dun documento
- Paquetes
- Comezo do documento
- Seccións
- Formatado do texto
- Táboas en Latex
- Ligazóns
- Incluir imaxes no documento
- Compilar o documento e xerar o PDF
Dende a organización recomendan aos asistentes levar instalado o editor LaTeX e algunha interface de usuario, recollendo unha serie de páxinas con información sobre a instalación, que poderán servir de axuda aos que se estean iniciando nesta materia.
- LaTeXila
- TeXMaker
- TeXStudio
- Kile (empregado polo coordinador do obradoiro)
- Info na páxina de LaTeX Fácil
- Unha páxina adicada só a Windows
- Outra páxina adicada só a Windows
- Manual en Wikilibros
A asistencia a este obradoiro é de carácter totalmente gratuíto. Debido ás limitacións de aforo, e para facilitar o seguimento do obradoiro, hai un número limitado de prazas que se cubrirán por estrita orde de inscrición. Así pois as persoas interesadas en asistir deberán inscribirse canto antes a través do correspondente formulario de inscrición.
Así mesmo poderá seguirse o desenvolvemento da actividade no «evento no G+»
Este ciclo de Sábados Libres na Altamar, forma parte das actividades que GALPon realiza no marco do convenio de colaboración asinado coa Axencia para a Modernización Tecnolóxica de Galicia (AMTEGA), e incluídas no Plan de Acción de Software Libre 2015 da Xunta de Galicia.
