O Observatorio galego de Software Libre de Mancomun.org acaba de publicar o resumo sobre a situación da tecnoloxía do Software Libre, correspondente ao período comprendido entre novembro do 2006 e xaneiro do 2007, feito pola Universidade de Santiago. Este informe é froito do traballo desenvolvido dentro do convenio asinado co CESGA para a realización de accións encamiñadas a impulsar o Software Libre na nosa comunidade, e complementa aos informes sobre a situación da tecnoloxía do Software Libre publicados en maio, agosto e outubro.O documento, que está baixo licenza Creative Commons, resume a situación do Software Libre no ámbito da observación tecnolóxica nos últimos tres meses, tanto a nivel estatal como internacional. O Observatorio publicará os seguintes resumos trimestralmente.
