GALPon anuncia xa o obradoiro correspondente ao mes de xuño do 3º ciclo dos Sábados Libres na Altamar.
O sábado 27 de xuño celebrarase o obradoiro “Tratamento dixital de imaxes con ferramentas libres, Gimp e Inkscape”, no que os asistentes realizarán todo o proceso de elaboración dun cartel a partires dunha foto ata obter o cartel final en Inkscape.
O obradoiro desenvolverase coma vén sendo habitual en horario de 10:00 a 14:00 e de 16:00 a 18:30. Correrá a cargo de Andres Bott, fotógrafo profesional, usuario de Software Libre e socio de GALPon, e celebrarase coma sempre na Residencia Xuvenil Altamar.
O programa completo é o seguinte:
- Nocións básicas de Gimp
- Organización da xanela (xanela única)
- Abrir ou crear
- Espacio de traballo
- Medidas → píxel vs ppp, PS error
- Gardar e exportar
- Ufraw (unha vista leve)
- Balance de brancos, exposición, temperatura, ton, selector de punto neutro
- Exif
- Gimp
- Capas
- Transparencia
- Selección
- Máscara
- Máscara a selección e selección a mascara
- Combinar capas
- Endereitado, recorte e escalado (da foto)
- Colorear: (menú colorear, para ver ton, saturación e luminosidade)
- Niveis
- Curvas
- Filtros, p. ex. desenfoque (blur), pixelar
- Inkscape
- Nocións básicas
- Abrir ou crear, importar, espazo de traballo (72ppp como predeterminado)
- Gardar e exportar
- Capas (Ctrl + Maiús + L)
- Obxectos vs trazo
- Trazo e recheo (cor + grosor)
- Crear, editar, combinar trazos
- Engadir puntos, eliminar puntos, crear unha curva
- Aliñamento
- Engadir texto
- Truco de capa de exportado
- Nocións básicas
A asistencia a este obradoiro é de carácter totalmente gratuíto. Debido ás limitacións de aforo, e para facilitar o seguimento do obradoiro, hai un número limitado de prazas que se cubrirán por estrita orde de inscrición. Así pois as persoas interesadas en asistir deberán inscribirse canto antes a través do correspondente formulario de inscrición.
Así mesmo poderá seguirse o desenvolvemento da actividade no «evento no G+»
Este ciclo de Sábados Libres na Altamar, forma parte das actividades que GALPon realiza no marco do convenio de colaboración asinado coa Axencia para a Modernización Tecnolóxica de Galicia (AMTEGA), e incluídas no Plan de Acción de Software Libre 2015 da Xunta de Galicia.
