Salónica será a sede da Akademy 2023 nun evento que se celebrará do 15 ao 21 de xullo.
En breve lanzarase o «Call for Papers» e empezarase a procura de patrocinadores. Despois dos dous días de charlas, celébranse 5 días de traballo de hacking e realízanse talleres.
Akademy
Akademy é o evento da Comunidade KDE que reúne nunha gran conferencia todo tipo de simpatizantes de KDE como desenvolvedores, deseñadores, usuarios, tradutores, promotores.
Alí reuniranse ao longo dunha semana para compartir charlas, ceas, relatorios, talleres e, en definitiva, para traballar xuntos. Unha semana que serve para reforzar os lazos que unen a Comunidade, así como para crear novos.
Akademy leva realizándose anualmente baixo este nome desde 2004.
