Canonical dará soporte empresarial para Blender LTS

Mércores, 30 Xuño 2021
Canonical dará soporte empresarial para Blender LTS

Canonical asociouse coa Blender Foundation ofrecendo soporte empresarial de pago para as versións LTS de Blender (aplicación de software libre para o modelado e creación 3D), tanto para a distribución Ubuntu de Canonical, como para Windows, macOS e outras distribucións GNU/Linux.

Mark Shuttleworth, fundador de Canonical, dixo:
“é un privilexio apoiar a Blender e o fantástico traballo desta notable comunidade, os seus fundadores e líderes. O anuncio de hoxe fortalece a Blender con soporte de servizo completo de Canonical e mantemento de seguridade a longo prazo, e ofrece en asociación con Blender Foundation o nivel de garantía que os creadores de contido profesionais de Blender necesitan”.

Ton Roosendaal, presidente da Blender Foundation, comentou:
“a forma en que Canonical estruturou este servizo connosco é exemplar para o movemento de código aberto. Creo que establecerá un novo estándar sobre como os grupos independentes e libres de fabricantes que realmente se preocupan polos seus produtos e usuarios participan no mercado e dan forma ao futuro da industria”.

Máis información

Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal