Gañadores dos Premios OSOR 2023

Martes, 12 Decembro 2023
Gañadores dos Premios OSOR 2023

Na cerimonia dos Premios OSOR déronse a coñecer diferentes solucións e iniciativas que impulsaron o software libre nos servizos públicos de Europa.

Un total de 92 inscricións, sendo 22 delas seleccionadas e chegando 6 proxectos á fase final do premio:
Geotrek
gvSIG suite
Decidim
Démarches simplifiées
OS2
Publiccode.yml Standard

No evento púxose énfase na importancia do software libre para alcanzar os Obxectivos de Desenvolvemento Sustentable (ODS) das Nacións Unidas. Os membros do panel tamén compartiron un chamamento a redes de colaboración global entre OSPOs a nivel mundial, destacando a necesidade de esforzos localizados con impactos significativos.

Ademais, os membros do panel subliñaron a necesidade de financiamento estratéxico a longo prazo para a participación do goberno e a visión da infraestrutura dixital como un recurso que require apoio público, buscando un maior control democrático sobre a tecnoloxía e procesos de deseño colaborativos desde o principio.

Gañadores dos premios OSOR 2023

BlueHats gañou a votación da Comunidade OSOR:

BlueHats gañou a votación da Comunidade OSOR:

“Para aqueles que creen que é imposible colocar o software de código aberto no corazón dos nosos sistemas de información de servizos públicos, os BlueHats están a facelo realidade. Este premio vai para todos aqueles que aínda non saben que o seu traballo é apreciado!”, dixo Bastien Guerry dos Blue Hats.

O gañador á mellor iniciativa de software libre e solucións no sector público europeo foi GeoTrek:

O gañador á mellor iniciativa de software libre e solucións no sector público europeo foi GeoTrek:

“Cando comezamos o proxecto GeoTrek hai 10 anos, a aproximación innovadora do código aberto non era sempre ben comprendida. Ao longo dos anos, demostrou ser eficaz e permitiu construír unha comunidade de máis de 150 organizacións públicas, que xuntan os seus recursos para construír e compartir unha ferramenta común. Este premio confirma o apoio da Comisión Europea para este tipo de aproximación, así como a súa relevancia e coherencia cos valores e políticas públicas europeas. Anímanos a continuar cos nosos esforzos, a estendelo a outros países europeos e a compartir a nosa experiencia para que poida ser útil a outros proxectos e comunidades”, dixo Camille do Parque Nacional Ecrins.

gvSIG Suite recibiu o premio á mellor solución de software libre:

gvSIG Suite recibiu o premio á mellor solución de software libre:
“O premio representa o recoñecemento dos logros conseguidos polo proxecto GVSIG e serve como un impulso para alcanzar novos obxectivos, seguindo traballando para facer de Europa un referente en xeomática desenvolvida con software de código aberto”, dixo Álvaro Anguix e Francisco José Peñarrubia de gvSIG Suite.

Balance do Plan de Acción 2022

1 Decembro 2021 Informe

Plan de Software Libre 2023

1 Decembro 2021 Informe

#IA #InformesDeUsoAnuais

Tendencias
Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal