Moldavia lanzou OpenCode.md, plataforma para recopilar software libre

Martes, 19 Decembro 2023
Moldavia lanzou OpenCode.md, plataforma para recopilar software libre

Moldavia lanzou a plataforma OpenCode.md a mediados de 2023. Esta iniciativa céntrase en solucións de software libre que buscan obter a clasificación de “Bens Públicos Dixitais”. Ademais, a plataforma proporciona acceso a coleccións de contido aberto e datos abertos.

logo de opencode.md

Un dos criterios para que o software sexa incluído é que debe ser de código aberto. A plataforma proporciona unha lista de licenzas (aprobadas pola OSI para software, licenzas Creative Commons para contido aberto e unha selección de licenzas para datos abertos).

As solucións deben cumprir co seguintes criterios:
– Relevancia para o avance dos Obxectivos de Desenvolvemento Sostible (ODS)
– Propiedade clara
– Sen dependencias de código pechado
– Incluír documentación sobre o funcionamento do produto
– Incluír un mecanismo para extraer calquera dato recompilado
– Cumprir coas leis de privacidade e outras leis aplicables
– Cumprir con estándares e mellores prácticas relevantes (como os Principios Dixitais)
– Estar concibido para non causar dano por deseño
– Demostrar prácticas correctas de privacidade e seguridade de datos, así como políticas adecuadas sobre contido inapropiado e ilegal e protección contra o acoso

A plataforma é parte dunha colaboración entre a Axencia de E-Goberno de Moldavia e o Programa de Desenvolvemento das Nacións Unidas e ten como obxectivo traballar simultaneamente nos Obxectivos de Desenvolvemento Sostible das Nacións Unidas e tamén na transformación dixital de Moldavia.

Balance do Plan de Acción 2022

1 Decembro 2021 Informe

Plan de Software Libre 2023

1 Decembro 2021 Informe

#IA #InformesDeUsoAnuais

Tendencias
Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal