Os vindeiros luns (de febreiro ata abril), realizaranse na Industriosa obradoiros de robótica orientados á xuventude.
O Obradoiro de Robótica é unha actividade destinada a alumnado de ESO/Bacharelato, entre 12 e 16 anos cuxo propósito é utilizar esta solución tecnolóxica para familiarizarlle coa programación, o pensamento computacional e a robótica educativa. O obxectivo do taller é preparar un equipo para participar na 7ª edición da Competición de Robots da EEI (eei.robots.webs.uvigo.es/) que se celebrará o 19 de abril na Escola de Enxeñería Industrial da Universidade de Vigo.
A actividade será os vindeiros luns, do 19 de febreiro ao 15 de abril, de 17:00 a 18:30 no local da Industriosa.
A participación e gratuita, a información para a inscrición está na web da Industriosa https://aindustriosa.org/RoboticaXuvenil/
Esta actividade está patrocinada pola Xunta de Galicia e pola Axencia Para a Modernización Tecnolóxica (AMTEGA).
