Segunda sesión do Obradoiro sobre Blender, na Industriosa

Martes, 10 Maio 2022
Segunda sesión do Obradoiro sobre Blender, na Industriosa

O mércores 18 de maio, en horario de 19.00 a 20.30, terá lugar a segunda sesión do “Obradoiro de iniciación ao modelado 3D con Blender”, nas instalacións da Industriosa (R/ Barcelona 13, Vigo).

Na primeira sesión víronse os conceptos básicos de modelado 3D: interface, navegación 3D, atallos de teclado, selección e transformacións básicas, ferramentas de modelado e modificadores. Nesta segunda sesión tocaranse estes novos puntos: emprego de diferentes metodoloxías, técnicas e ferramentas para obter un modelo 3D a partir dun boceto, imaxe, gráfico vectorial ou dun modelo importado.

Blender é un software gratuíto de software libre para a creación de contidos 3D. Unha ferramenta moi versátil coa que se poden facer diferentes tarefas relacionadas co modelado, coa creación de escenas ou coa animación de elementos e personaxes en 3D. A pesar de que Blender conta cunha importante Comunidade de usuarios formada por deseñadores e desenvolvedores encargados de ir mellorando ó programa de forma colaborativa cada certo tempo, segue a ter un primeiro contacto que bota a moitos para atrás.

Que faremos?
Este obradoiro é de INICIACIÓN A BLENDER, para o que non son precisos coñecementos de Blender ou de modelado 3D. É unha primeira toma de contacto co espazo de traballo, os editores e ferramentas da parte de modelado, para comprender a forma de traballar e como movernos polo programa.

Que precisas?
Traer un portátil con Blender instalado: https://www.blender.org/download/
Recoméndase o uso dun rato, preferiblemente de 3 botóns (2 + roda de desprazamento ou scroll), para poder moverse polo visor 3D con maior comodidade.

Evento patrocinado por Xunta de Galicia e Amtega Axencia para a Modernización Tecnolóxica

Máis información

Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal