O software libre non é unha cuestión de cartos senón de liberdade

Un estudo de Forrester e Unisys sobre 500 responsábeis de sistemas de

empresas de Europa e de EEUU demostra que as principais razóns polas

que as corporacións adoptan o código aberto é para reducir custos

operativos (o 62% opina isto).

Porén, Forrester insiste que o prezo non é a única razón. Os

directivos que se enquisaron resaltan outras vantaxes como a

flexibilidade do negocio, a compatibilidade cos estándares abertos, o

uso do código sen restricións e o feito de non depender dun único

provedor.

A FSF desde sempre destacou as catro liberdades do software libre (uso,

análise, distribución e modificación) como as virtudes fundamentais e

nunca o seu prezo.

Resulta evidente que calquera migración implica un custo asociado ás

tecnoloxías; no entanto, en moitos casos este custo resulta

moi barato por non depender dunha tecnoloxía que pode deixar de existir

ou que non ofrece toda a funcionalidade requirida. Os contornos con

software libre achegan a liberdade necesaria de adaptación aos

sistemas; esta flexibilidade, unida ao feito que non se necesiten

comprar licenzas en cada ampliación, son as que aumentan a

produtividade e dotan da liberdade precisa para unha correcta

escalabilidade dos sistemas.

Ligazóns:

http://www.elpais.com/articulo/tecnologia/realmente/economico/software/codigo/abierto/elpeputec/20070523elpeputec_1/Tes

http://www.fsf.org/licensing/essays

http://www.gnu.org/philosophy/

http://www.fsf.org/

Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal