A Rede de Cooperación Local do Concello de Santiago organiza o día 30 de maio ás 7 da tarde na sede da Asociación de Empresarios do Polígono do Tambre un obradoiro práctico da plataforma libre de teleformación Dokeos LMS. A presentación correrá a cargo da empresa galega Contidos Dixitais. O número de prazas é limitado, rógase inscrición indicando os datos persoais vía mail a info@contidosdixitais.com.
Dokeos é unha plataforma de teleformación de código aberto traducida a 34 idiomas e que está sendo empregada por máis de 1000 organizacións en todo o mundo para xestionar as súas accións de formación e colaboración. O obradoiro ten un carácter eminentemente práctico. Traballarase principalmente con tres ferramentas: a utilidade de exercicios, os itinerarios formativos e Oogie (conversor de presentacións de diapositivas).
