G.A.L.I.T.E. (Grupo Asociado pola Libre Información e a Tecnoloxía) de Foz celebrará entre os días 16 e o 19 a Partyfoz 2007. Será a terceira edición desta party na que, ademais dos habituais concursos de videoxogos, terá unha forte presenza o Software Libre con diversas charlas. No evento colabora o Concello de Foz. G.A.L.I.T.E. son un grupo que teñen aficións en común e que intentan dar a coñecer as posibilidades da tecnoloxía. Defenden e promoven o código aberto que garanta a máxima rendibilidade para as nosas administracións e liberdade para as empresas e os particulares.
