Bioclipse e K3DSurf son dous programas de visualización de datos orientados ás matemáticas e á bioquímica, respectivamente.
Bioclipse é unha suite de traballo para bioquímicos con grandes capacidades de edición e visualización de moléculas, secuencias, proteínas, …
K3DSurf é un programa para visualizar e manipular modelos matemáticos en tres, catro, cinco ou seis dimensións. Estos obxectos matemáticos poden ser superficies ou curvas…
Bioclipse funciona en GNU/Linux e en Windows e algunhas das súas características son as seguintes:
- Importar e exportar en varios formatos de ficheiro
- Edición visual de estruturas de moléculas 2D
- Visualización 3D de moléculas e proteínas
- Edición e visualización de secuencias (ADN, ARN, proteínas, etc)
- Obtención de recursos (secuencias, proteínas, etc) desde repositorios públicos
- …
Bioclipse pode executarse en local, no teu computador pero tamén ten a posibilidade de funcionar con servidores para a obtención de datos e servizos computacionais. A arquitectura do programa está baseada en Eclipse e a interface resulta ser moi intuitiva para o usuario, ao mesmo tempo que é fácil de ampliar e personalizar.
K3DSurf funciona en GNU/Linux, Windows e MacOS e pode ser usado por calquera persoa interesada na representación gráfica en 3D de funcións matemáticas e non require que o usuario sexa un experto coñecedor das mesmas. A maioría do traballo nesta aplicación fíxose para crear unha aplicación o máis simple posible pero cun alto grao de eficiencia:
- K3DSurf foi desenvolto para ser usado por usuarios inexpertos con un baixo grao de coñecemento matemático, para os cales o programa prové máis de 50 exemplos de tests (visualizados con Povray).
Engadir e eliminar funcións de ecuacións e visualizar os resultados é a mellor maneira de entender o comportamento en 3D das funcións matemáticas - Para os deseñadores 2D e 3D: Os ficheiros xerados por K3DSurf (Pov e outros formatos) tamén se poden integrar en complicadas escenas. Por exemplo, engadir texturas con Pov aos obxectos creados con K3DSurf é unha cousa moi sinxela.
- …
