Samba é un software libre baixo GPLv3 que implementa o protocolo CIFS (o protocolo de ficheiros e impresoras compartidos de Microsoft Windows). Este software está dispoñible para os sistemas operativos GNU/Linux, FreeBSD, ou calquera outro baseado en UNIX e serve tanto como aplicación cliente coma de servidor.
As características fundamentais de Samba son:
Acceso a cartafoles compartidos por outras máquinas e compartir cartafoles da propia máquina
Compartir impresoras a través da rede e acceder ás que estean compartidas
Inicio de sesión mediante Active Directory
Exercer o rol de controlador de dominio ou dun cliente máis en redes Windows
Criptomator é unha aplicación de cifrado transparente para os ficheiros na nube, a cal nos permite cifrar e descifrar calquera tipo de documentos de xeito fácil. Alén de cifrar o contido dos ficheiros, esta aplicación tamén nos permite cifrar o seu nome así como a estrutura de directorios existente no cofre de cifrado para unha maior privacidade. Cryptomator é unha aplicación multiplataforma dispoñible para Windows, Mac OS, GNU/Linux, Android e IOS. A aplicación está liberada baixo GPLv3 e as bibliotecas que emprega por debaixo baixo AGLPv3. A solución ofrecida é libre e de balde pero tamén ofrecen desenvolvementos personalizados e plans de soporte encamiñados a empresas.
Funcionalidades principais:
Compatible con calquera servizo de almacenamento na nube que permita a sincronización con directorios locais.
Cifrado AES mediante clave de 256 bits.
Cifrado de nome de ficheiros.
Ocultación da estrutura de directorios.
Funcionamento transparente comportándose o cofre de cifrado coma un dispositivo externo extraíble.
Bitwarden é unha plataforma de xestión de contrasinais tanto para persoas individuais como para organizacións.
Bitwarden componse dunha parte servidor multiplataforma (GNU/Linux, macOS e Windows) e dunha parte cliente que conta con versións nativas para Windows, macOS X, GNU/Linux, Android e IOS. Ademais permite a execución vía consola de comandos, dándonos a capacidade de executar scripts. Tamén conta con extensións para os navegadores máis empregados, como Mozilla Firefox, Google Chrome, Safari, Microsoft Edge, Opera, Tor Browser, Brave ou Vivaldi.
Bitwarden permite tanto aloxar a plataforma en infraestrutura propia coma utilizar o servizo que o mesmo Bitwarden aloxa, que é gratuíto para os usuarios persoais e que conta con distintos plans en función de distintas necesidades.
As principais funcionalidades de Bitwarden son:
Sincronización multidispositivos
Control de acceso incluíndo grupos de usuarios
Compartición de ficheiros, certificados ou claves privadas
Este sitio web utiliza cookies para que poidamos ofrecerche a mellor experiencia de usuario posible.A información das cookies gárdase no teu navegador e realiza funcións como recoñecelo cando volves ao noso sitio web e axudar ao noso equipo a comprender que seccións do sitio web che resultan máis interesantes e útiles.
Cookies estrictamente necesarias
As cookies estrictamente necesarias deben estar activadas en todo momento para que poidamos gardar as súas preferencias para a configuración de cookies.
If you disable this cookie, we will not be able to save your preferences. This means that every time you visit this website you will need to enable or disable cookies again.
Cookies de terceiros
Este sitio web usa Google Analytics para recoller información anónima como o número de visitantes do sitio e as páxinas máis populares.
Please enable Strictly Necessary Cookies first so that we can save your preferences!
