Por segundo ano dende AULUSC e coa colaboración da ETSE, celébranse as Xornadas DescubreLinux07 para aqueles que estean interesados en inscribirse en dar os primeiros pasos con GNU/Linux. O obxectivo desta actividade é facilitar a iniciación no uso de tanto dos sistemas operativos coma das aplicacións libres. Estas xornadas comezan o día 1 de marzo e rematan o día 29.
Organizarase unha install party e realizaremos diveros talleres e mostras para vencer o medo dos non iniciados e as posibilidades de traballo sobre Linux. As xornadas son especialmente interesantes para os alumnos de primeiro curso da Enxeñería Técnica e Informática de Sistemas posto que realizarán prácticas sobre esta plataforma aínda que están abertas a todo o mundo que teña interese en Linux e nas ferramentas libres.
A lista de actividades está dispoñible na web de Aulusc e inclúe talleres de introdución a GNOME, OpenOffice.org, Gimp, ou redes wireless entre outras actividades.
