Mes: Xuño 2007

Tiny ERP e Axelor veñen de anunciar o novo cliente web para Tiny ERP baseado en tecnoloxía Ajax. Ademais, a compañía Tiny liberou unha nova versión, a 4.2.1, con moitas novas melloras e revisións nos seus módulos.

O novo cliente web permitirá aos usuarios conectarse, dun xeito sinxelo con calquera navegador e sen precisar instalar ningún tipo de software adicional, ao servidor de Tiny ERP.

“Tiny ERP é un completo sistema ERP e CRM. Ten compoñentes separados en cliente e servidor que se interconectan mediante interfaces XML-RPC e SOAP. Entre as suas características están a contabilidade analítica, contabilidade financeira, xestión de almacéns/inventario, xestión de vendas e compras, automatización de tarefas, campañas de mercadotecnia, axuda técnica e punto de venda.” [Wikipedia]

Tiny ERP pódese integrar con outros software existentes coma: Joomla, ezPublish, OSCommerce, LDAP, OpenOffice, …

Os módulos, os clientes (web e GTK) e o servidor están dispoñibles e poden ser descargados.

O Concello de Barcelona, co fin de axudar e promocionar o software libre, elaborou uns folletos publicitarios en liña que falan sobre a filosofía do código aberto e do máis interesante que ten. Tamén hai un espazo para comentar as diferentes aplicacións, como poden ser OpenOffice, Firefox, Gaim, Gimp, GNU/Linux… e nel se ensina a instalar o Ubuntu.

Estes folletos de software libre, que teñen unha licenza Creative Comons, están en catalán e pódense descargar desde a ligazón

.

Fonte:

http://www.dosbit.com/2007/06/13/el-ayuntamiento-de-barcelona-promociona-el-software-libre/

Linspire acaba de sacar un novo xestor de paquetes chamado Opium, (Optimal Package Install/Uninstall Manager) que ten como obxectivo solventar todas as dificultades á hora de instalar un paquete, como por exemplo dependencias sen resolver, ademais de buscar a mellor solución para o usuario como por exemplo, descargar o ficheiro menos voluminoso desde Internet.

O equipo de desenvolvemento de Opium afirma ter feito unha proba de rendemento comparativo co apt-get de Debian cun total de 600 descargas de paquetes e, de media, Opium obtivo un mellor rendemento.

Seguindo coa exposición dun dos principais técnicos implicados no proxecto, segundo os responsables de Opium, apt-get sofre dun problema que fai que ás veces non proporcione ao usuario unha solución de instalación dun determinado paquete polo fallo na resolución de dependencias. En Opium buscouse que se existe unha solución instalable, o software a atope.

Opium foi presentado na pasada ICSE’07, a Conferencia Internacional de Enxeñaría do Software, e naceu coma unha iniciativa no marco de Linspire para estender o seu sistema de instalación de software CNR a outras distribucións.

 Fonte: Noticiasdot.com

Wengophone é un cliente VoIP SIP para a comunicación de son e de vídeo directamente entre dous PC que tamén ofrece chamadas a teléfonos fixos ou móbiles e o envío de mensaxes curtas a cambio duns créditos previamente mercados. A súa licenza é GNU GPL2. Ten unha interface moi amigábel e bastante parecida á de Skype.

Soporta os protocolos de mensaxaría instantánea Jabber, AIM/ICQ, Yahoo, MSN e GTalk. Ten soporte tanto para GNU/Linux como para Windows ou MacOS.

Ligazón: http://openwengo.com

O Consello de Goberno da Universidade de Zaragoza aprobou unha declaración institucional sobre “Software Libre e de fontes abertas” na cal defende que o uso do Software Libre achega “independencia e interoperabilidade” para o funcionamento dos sistemas de información.

A devandita universidade aposta por “fomentar e desenvolver” o Software Libre como filosofía na comunidade universitaria, xa que “responde a valores propios da institución, como son a investigación, a innovación e o traballo en colaboración”. A institución académica destaca que o seu uso lle garante á Universidade “a independencia tecnolóxica fronte a terceiros”, así como amplas posibilidades de colaboración e de desenvolvemento con outros axentes…

Alén diso, a entidade académica aragonesa poderá empregar “un programa específico xa desenvolvido por outras persoas ao dipor do código fonte e ao ter a capacidade para o analizar, modificalo, redistribuilo e executalo, en cantos ordenadores desexar”. Ademais, a universidade aragonesa formula a creación dunha oficina técnica de software libre como punto de referencia, de información e de coordinación, e a posta en marcha dun servidor de aplicacións baseado en programas de fonte aberta.

Ligazón:
http://www.canalsur.es/

Glom é un software de deseño e creación de bases de datos, incluíndo a propia base de datos así coma a interface de usuario.

Con Glom podes definir as táboas, as relacións entre as mesmas, ten unha interface moi parecida ao software FileMaker, pero coa diferencia de que o servidor de base de datos non vai incluído co software. Relativo ao servidor, dicir que traballa con servidores PostgreSQL, coa limitación de non poder modificar as bases de datos que se crearon con Glom…

Características de Glom:

Innotek GmbH anunciou a versión 1.4.0 do software de virtualización que liberou o pasado mes de xaneiro. Esta nova versión agrega soporte para Red Hat Enterprise Linux 5 (RHEL5) e Xandros Desktop 4.1.

Outras características desta nova versión son: 

VirtualBox está dispoñible para a súa execución en sistemas Windows e Linux de 32-bits (aínda que tamén hai unha versión beta para MacOS X) e é capaz de virtualizar Windows, Linux (versión do núcleo 2.x), OS/2 Warp, OpenBSD e FreeBSD.

VirtualBox soporta virtualización VT-x para o hardware de Intel, e, de xeito experimental, virtualización AMD-V para o hardware de AMD.

Podes descargar VirtualBox para as distintas distribucións de GNU/Linux dende as ligazóns: