Autor: Alberto

SQLyog é unha ferramenta que se comporta coma interface entre o usuario e o servidor de bases de datos MYSQL. É unha das ferramentas máis coñecidas polos desenvolvedores web xa que é de gran utilidade á hora de desenvolver aplicacións en entornos LAMP.

Esta aplicación traballa coas versións de MySQL desde a 3.23 á 5.1.x, funcionando baixo Windows e Wine (para GNU/Linux e outras variantes de  *nix onde este sexa instalable).

A novidade de esta última versión de SQLyog é a súa licenza GPL.

Páxina de SQLyog coas descargas

Adobe Systems contribuirá con código fonte á Fundación Mozilla para que as dúas organizacións poidan establecer unha linguaxe de scripts común para que os desenvolvedores poidan crear aplicacións interactivas para Flash Player, de Adobe, e para o navegador Firefox, de Mozilla. …

Parece ser que Adobe só liberou o motor do script de Flash Player. Moita xente falaba xa dunha liberación total do código do reprodutor, pero nas seguintes ligazóns explican por qué Adobe non abrirá o código completo tan rápido.

Máis información: cristalab.com

Nota de prensa de Adobe

A distribución está baseada en Trisguel e emprega un contorno Gnome,  software de xestión coma Facturalux e Gesticam, bases de datos PostgreSQL e ferramentas de desenvolvemento coma Anjuta ou Glade.

Mancomun.org presenta o seu repositorio [[APT]] para a suite ofimática do OpenOffice.org en galego para poder manterte actualizado coa última versión do OpenOffice de mancomun.org

Con este sistema, todos os usuarios que usen unha distribución de GNU/Linux baseada en paquetes DEB e que teñan instalada a nosa versión do OpenOffice.org poderán actualizarse facilmente ás novas versións que saquemos máis adiante…

É moi importante desinstalar a versión do Openoffice.org que traia o sistema operativo e ter instalada a versión de Mancomun.org, xa que senón a actualización mediante este sistema podería romper a estabilidade do sistema.

Para estar actualizado coa última versión do OpenOffice.org de Mancomun.org realizaremos os seguintes pasos segundo as nosas preferencias (precísase ser root do sistema):

• Se preferimos facelo nun terminal en modo texto:
• Engadir a seguinte liña:
  deb http://openoffice.mancomun.org/ mancomun main
  ao ficheiro:
  /etc/apt/sources.list
• Executar:
  apt-get update
• Executar:
  apt-get upgrade
• No terminal preguntaranos se queremos actualizar os paquetes. Temos que dicir que “Si”.  O seguinte que se nos preguntará é se queremos instalar os paquetes que están sen verificar. Diremos que “Si” outra vez e entón o sistema actualizará os paquetes do OpenOffice.org.
• Se usamos o escritorio [[GNOME]]:
• Vamos ao menú “Sistema-> Administración-> Xestor de paquetes Synaptic”
• Pídenos o contrasinal de root. Introducímolo.
• Dentro do “Xestor de paquetes” vamos  ao menú “Configuración-> Repositorios-> Engadir-> Personalizado “
• Engadimos unha liña APT co seguinte texto
  deb http://openoffice.mancomun.org/ mancomun main
• Pechamos a ventá e o asistente xa nos indicará os seguintes pasos para poder actualizar o OpenOffice.org

• Se usamos o escritorio [[KDE]]:
• Tamén temos que engadir a liña:
  deb http://openoffice.mancomun.org/ mancomun main
  ao ficheiro:
  /etc/apt/sources.list
• Vamos ao menú “Sistema-> Adept (Xestor de paquetes)”
• Tamén nos pide o contrasinal de root.
• Prememos en “Buscar actualizacións” e encontrará que hai actualizacións dispoñibles para o OpenOffice.org.
• Procederemos seguindo as instrucións que nos brinde o asistente do Xestor de paquetes.

Vaise celebrar na Facultade de Ciencias Sociais e da Información, no campus de Jerez de la Frontera (pertencente á Universidade de Cádiz) durante os días 7, 8 e 9 de marzo do 2007 o Congreso Internacional FLOSS.

As principais liñas de interese do congreso van ser a aplicación e uso de FLOSS nos seguintes campos:

Actualmente está aberto o prazo de presentación de contribucións.

Máis información, nesta ligazón.

Presentamos unha lista de historias exitosas e recentes de tódolos ámbitos nos que está involucrado o Software Libre. Pode ser pola marxe de beneficios que dou á empresa, ou o difundir a tecnoloxía en áreas onde parecía imposible ou simplemente por xerar unha fonte de coñecemento libre; pero o caso é que o Software Libre está en todas partes…

Para ver a lista completa e as conclusións sobre a mesma tes que visitar a seguinte ligazón á noticia completa na súa web orixinal (en inglés):

Ligazón á noticia completa

A mediados de novembro está previsto que se celebren na ETSE as Xornadas Libérate 06, organizadas por AULUSC (Asociación de Usuarios de Linux da USC).

Estas xornadas, amosarán as alternativas en Software Libre aos programas que se empregan habitualmente a través de pequenos obradoiros.

En concreto, serán catro obradoiros, de dúas horas cada un, que tratarán sobre OpenOffice.org, Gimp, Inkscape, Firefox, Thunderbird e Gaim…

Próximamente, na páxina web de AULUSC haberá máis información sobre as datas, os obradoiros e as inscricións nos cursos.