Autor: Alberto

Open Document Format (ODF) foi declarado onte estándar oficial de comunicacións do goberno de Suráfrica, mediante a publicación dunha nova versión do documento MIOS (Minimum Interoperability Standards for Information Systems in government), que define os estándares mínimos de interoperabilidade para os sistemas de información dos organismos oficiais.

Na práctica, haberá  unha fase inicial mediante o uso de conversores, que terá que garantir para marzo de 2008 que todos os departamentos do goberno poidan visualizar documentos ODF.

Cara finais de 2008, todos os documentos oficiais terán que están dispoñibles en formato ODF e outros formatos non propietarios.

Para marzo de 2009, todos os documentos oficiais serán xa producidos en ODF.

Fonte orixinal da nova:
http://www.kriptopolis.org/

Vemos na páxina de GPUL o anuncio de presentación dun novo proxecto: Hermes.

“O proxecto ten por obxectivo levar o Software Libre alá onde non chega a banda larga, ou, directamente, onde non chega Internet. A veces non somos conscientes, nestes días nos que, incluso o peor [[ISP]] nos permite baixar calquera das nosas distribucións favoritas, de que máis alá das nosas fronteiras hai moita xente que necesita el Software Libre, pero non pode acceder polas limitacións da rede.

En GPUL queremos mirar cara esa xente, ou o que é o mesmo, mirar 9 anos atrás cando arrancou a asociación e, facendo uso do correo postal, ampliar o número de beneficiarios do Software Libre.

Non temos previsións do alcance e importancia que este novo proxecto poida ter. En calquera caso, intentaremos manter lazos con outros grupos de Software Libre por todo o mundo para poder facer unha rede mundial e optimizar así os envíos a cada zona…”

Páxina do proxecto Hermes.

O pasado venres 19 de outubro deu comezo o Máster en Software Libre de Caixanova en colaboración con Igalia e  o grupo LibreSoft da Universidad Rey Juan Carlos. As oito persoas inscritas neste programa de formación asistiron á presentación por parte de Jesús González Barahona, profesor da Universidad Rey Juan Carlos.

O máster desenvólvese en sesións de fin de semana e rematará en setembro do vindeiro ano. Os alumnos desenvolverán as súas prácticas en empresas como Igalia ou Telefónica I+D.  No blogue de Chema Casanova de Igalia atoparedes máis detalles desta iniciativa.

Este máster ten por obxectivo formar a profesionais para desenvolver proxectos internacionais de Software Libre. Outro aliciente para os alumnos serán as bolsas Morfeo, promovidas por Telefónica I+D, e GNOME, promovida por Igalia, que achegarán unha axuda de 3.000 euros e a posibilidade de facer o practicum nestas empresas.

O enfoque internacional do Máster de Software Libre, cun marcado carácter práctico e enfocado á empresa, suxería solicitar a colaboración de persoeiros de renome internacional que acheguen a relación da comunidade de Software Libre coa empresa:

• Miguel de Icaza, vicepresidente de Developer Platform en Novell, fundador do proxecto GNOME e impulsor do proxecto Mono.

• Richard Stallman, presidente da FSF e fundador do proxecto GNU.
• Bdale Garbee, xefe tecnolóxico da área Open Source & Linux de HP a nivel mundial e tamén presidente de Software in the Public Interest.
• Carlos Guerreiro, líder de OSSO Desktop team en Nokia Multimedia, relacionado directamente co proxecto Maemo.
• Alberto Abella, director de desenvolvemento corporativo da Fundación CENATIC e co-autor do Libro Blanco de Software Libre .
• Marcelo D’Elia Branco, coordinador do proxecto “Red Internacional de las Administraciones Públicas por el Software Libre”.

Todos os membros do comité asesor participarán de forma activa durante o curso académico, impartindo unha conferencia maxistral aberta ao público e un seminario específico exclusivo para os alumnos do Máster.

Despois de tres versións candidatas xa está dispoñible a versión 2.4 de Gimp.Esta nova versión está traducida nun 83% ao galego grazas ao traballo da comunidade galega de Gnome e dos voluntarios do Entrans de mancomun.org. En breve estará dispoñible unha tradución completa e revisada lingüisticamente.

Entre as novidades desta nova versión destacan:

• Brochas dinámicas.

• E moitos cambios máis…

Páxina oficial de GIMP:
http://www.gimp.org/

Notas da versión con vídeos de demostración:
http://www.gimp.org/release-notes/gimp-2.4.html

A multinacional Google asinou un acordo de contribución con MySQL para proporcionar un marco legal baixo o cal MySQL pode incluír código doutra empresa na súa base de datos a través do proxecto Google-MySQL-Tools. Google contribuirá na versión 7.0 deste sistema de xestión de bases de datos.
 

Google é un dos maiores usuarios de MySQL a nivel mundial.

Fonte: Infoworld