Autor: Alberto

Algunhas das novidades que incorpora son:

• restaurados módulos netfilter para o rc.firewall
• melloras á hora de facer unha nova instalación
• engadidos .mtoolsrc mtools_skip_check=1
• mellora do aspeto dalgunhas iconas
• solucionados erros
• e máis

Para descarga: mirrors

Enlace descarga directa: dsl-.4.0.alpha2

Fonte: FentLinux  

Open movilforum nace da cooperación do fabricante Nokia e o seu proxecto ForumNokia, complementando así a oferta ao desenvolvedor cun gran número de interfaces e ferramentas xa existentes, centradas nos dispositivos S60 .

Movistar elixiu a Campus Party (Valencia, 23-29 de xullo) para a presentación de Open movilforum. Precisamente no ámbito da Campus, movistar convoca o concurso Open movilforum de software libre polo que se premia a mellor aplicación para o Mobile 2.0 cun terminal Nokia N800 con Linux e Wifi.

Fonte: Laflecha

WebLOAD Open Source é unha aplicación para probar o rendemento e a carga de calquera tipo de aplicación de internet, incluíndo aplicacións [[Web 2.0]] e [[AJAX]].

WebLOAD Open Source está baseado no traballo de máis de 12 anos de desenvolvemento investido na aplicación WebLOAD, anteriormente propietaria e unha alternativa a JMeter e OpenSTA.

Algunhas das novas características na versión 8.1 de WebLOAD son:

1. Actualización da maior parte da interface gráfica de WebLOAD con novos elementos, incluíndo iconas.
2. Novo control de edición con unha mellor interface e máis características:
1. Numeración de liñas.
2. Resaltado de liñas, permitindo expandir e contraer bloques de código para facilitar a lectura.
3. Inclúe soporte para autocompletado de código (premendo CTRL+Espazo) e atributos/métodos (automaticamente premendo ‘.’).
3. Gravación e opcións de gravación melloradas:
1. Soporte para manexo de datos binarios: os datos binarios poden ser codificados durante a gravación.
2. Control adicional sobre o contido programable que é creado polo gravador.
3. A vista de cabeceiras HTTP mostra os datos pedidos para o método POST incluso durante a gravación.
4. Mellora na xestión dos rexistros de incidencias (log).
5. Engadido o soporte para codificación de caracteres dos navegadores.
6. Mellorado o soporte para MySQL Database building blocks.
7. Novas características complementarias que aínda non están documentadas ademais doutras moitas características.

Captura de pantalla de WebLOAD Open Source (podes ver máis capturas premendo na imaxe):

PatientOS é un sistema de información sanitaria de código aberto, lanzado baixo a recente licenza GPL 3.0. Este software empresarial está deseñado para facilitar o traballo no sector da saúde, para facilitar o traballo a médicos, enfermeiros, farmacéuticos, técnicos de laboratorio e outro tipo de departamentos.

Esta ferramenta é multiplataforma, pois está feita nunha linguaxe interpretada (Java) e traballa empregando diferentes sistemas xestores de bases de datos, PostgreSQL, que é libre, e Oracle, que é propietario. A aplicación aínda esta en fase Alpha, pero espérase unha versión máis madura en breve.

Páxina web do proxecto: http://wwww.patientos.org

Pantallazos: http://www.patientos.org/software/screenshots.html

Vídeos: http://www.patientos.org/software/video.html  

Os gañadores foron os seguintes:

• Mellor proxecto: 7-Zip
• Mellor utilidade para desenvolvedores: TortoiseSVN
• Mellor proxecto para empresas: Firebird
• Mellor proxecto para xogadores: ScummVM
• Mellor proxecto multimedia: Audacity
• Mellor proxecto para comunicacións: phpBB
• Proxecto máis novidoso: emule
• Neste apartado houbo unha mención de honor: Launchy
• Mellor soporte ao usuario: Firebird
• Mellor deseño técnico: 7-Zip
• Proxecto máis colaborativo: Azureus
• Mellor utilidade para administradores: phpMyAdmin

Información completa en: Sourceforge  

A Comisión Europea puntuou con un “sobresaínte” o proxecto OPERA 2 («Open PLC European Research Alliance» ou Alianza de Investigación Europea sobre PLC Aberta), cuxo obxectivo é desenvolver un estándar aberto para a nova xeración de tecnoloxía a través da rede eléctrica.

Este tipo de tecnoloxía sérvese das redes eléctricas nacionais para subministrar banda larga de baixo custe útil para unha ampla gama de aplicacións, como a educación virtual, a telefonía, os fogares intelixentes, os novos servizos intelixentes pola rede eléctrica, a televisión á carta, a seguridade e a saúde electrónica…

O maior sistema de correo electrónico educacional foi migrado a semana pasada na rexión de Carmarthenshire en Gales.

O sistema de correo proporcionará servizo de IMAP tanto en inglés como en galés a quince escolas de secundaria e 125 de primaria. Isto dá un total de 40 000 usuarios potenciais de acordo co caso de estudo. Sirius (a compañía encargada da migración) considera as capacidades bilingües unha das vantaxes do Software Libre, pois este tipo de aplicacións poden ser adaptadas para traballar en calquera idioma.

Segundo Sirius, o concello escolleu Software Libre porque é seguro, personalizable e escalable…

O sistema de correo de Carmarthenshire está construído sobre servidores que executan Debian GNU/Linux. O sistema ofrece tres versións de correo web, a depender do nivel de acceso de cada usuario. Por exemplo, os nenos de primaria poden enviar correos usando unha interface moi simple mentres o alumnado de secundaria ten acceso a características máis avanzadas. O sistema tamén pode ser configurado para controlar o envío ou a recepción de correo por parte de persoas non autorizadas desde internet.

A administración de usuarios fíxose con GOSA, unha aplicación libre para a xestión de contas de usuario. A cidade xermana de Múnic tamén está a empregar GOSA pola súa facilidade de integración (debido a que por debaixo se usa o LDAP).

Ligazón á nova orixinal:
http://ec.europa.eu/idabc

Os interesados poden enviar ao correo info@acordando.com ou ao teléfono 981 555 011.