Autor: Alberto

A páxina recolle todos os datos da Enquisa sobre Infraestrutura e Equipamentos Locais (EIEL), elaborada segundo metodoloxía común polas deputacións provinciais, coa colaboración técnica do Ministerio de Administracións Públicas (MAP). Constitúe o instrumento obxectivo de análise e valoración das necesidades de dotacións locais a efectos da cooperación económica local do Estado.

A súa finalidade é coñecer a situación das infraestruturas e equipamentos de competencia municipal, formando un inventario de ámbito estatal, de carácter censal e con información sistematizada dos concellos con poboación inferior aos 50.000 habitantes.

O xurado que concederá o próximo mércores o Premio Príncipe de Asturias de Investigación Científica e Técnica 2007 comeza mañá as súas deliberacións en Oviedo para analizar as corenta e nove candidaturas que optan ao galardón. Entre as propostas remitidas nesta XXVII edición dos premios figuran as do informático finlandés Linus Torvalds, creador do sistema operativo Linux; o biólogo mexicano Rafael Navarro González, e o Centro de Cirurxía de Mínima Invasión (CCMI), con sede en Cáceres.

Tamén son candidatos o biólogo británico Edward O. Wilson e a oncóloga Maura Rita María Massimino, ademais de James Lovelock, científico británico que lanzou a “teoría Gaia”, que establece que a Terra funciona como un organismo vivo autorregulado. Ademais, optan ao premio, nunha única candidatura, o bioquímico belga Eric de Clercq, e o seu colega checo Antonin Holy polas súas descubertas para facer fronte a enfermidades virais coma a varicela e o herpes…

A Forxa de mancomun acadou hoxe a cifra dos 100 usuarios rexistrados.

A Forxa tivo dende os seus inicios un crecemento progresivo, non demasiado rápido mais si constante e conta cunha comunidade activa dedicada a proxectos de diferente índole temática.

Ultimamente os proxectos que máis éxito estan a ter, alén do proxecto Traducíndote, son os de xestión de vendas (TPV, xestor de hotel etc).

A Forxa conta tamén con novos proxectos como: SXBD estándar-completo, Xestion documental de centros educativos, loga, reinxeñería de gtranslator etc.

Este éxito é tamén posíbel debido á diversidade de áreas en que a

comunidade está especializada, un feito que fai da Forxa un proxecto moito máis rico e atractivo.

Fonte: Oficina de Software Libre (OSL)

MapGuide é un sistema de publicación de información xeográfica vía web cunha interface de consulta que ten un desenvolvemento importante do lado do cliente. Dito cliente pode estar baseado en [[AJAX]], o que permite amosar información xeográfica sen necesidade de que o usuario teña que descargar e instalar un plug-in, ou pode estar baseado no formato DWF, desenvolvido por Autodesk para a publicación lixeira de información CAD, en cuxo caso o usuario si que ten que instalar un control OCX na súa máquina.

O visualizador MapGuide, foi desenvolvido inicialmente pola división XIS de Autodesk. Coa chegada desta versión mellorada (1.2.0 Release Candidate 2) solvéntanse diversos erros de funcionamento.

Entre as capacidades de MapGuide destaca ademais da visualización a selección de elementos, consulta de atributos, etiquetado simple e diversas operacións de análise espacial sinxelo (selección por polígonos, envolventes ou buffers, etc. Tamén é de relevancia a API para os programadores. O desenvolvemento pode facerse en PHP, ASP.NET ou JSP, o que abre notablemente as posibilidades de integración desta ferramenta. Neste sentido, outra ventaxe importante é que é compatible con Apache podendo instalarse en Windows e Linux.

Entre os estándares OGC, cumpre con WMS e WFS.

Toda a información do proxecto está bastante ben documentada e sen dúbida algunha entre os publicadores de información xeográfica vía internet MapGuide convértese nunha referencia obrigada agora que é un produto gratuíto e unha das aplicacións nese tipo de mercado máis destacable.

A aplicación ten licenza LGPL

IBM publicou recentemente o último artigo dunha serie de 3 sobre optimización de sistemas [[LAMP]] (Linux+Apache+Mysql+PHP). Este último artigo trata sobre como optimizar o noso servidor de bases de datos [[MySQL]].

Os títulos dos artigos son os seguintes:

Todos estes artigos están dispoñibles na biblioteca técnica de Linux de IBM, ademais doutros moitos artigos:
http://www.ibm.com/developerworks/views/linux/library.jsp

Vemos en GLUG que o usuario mmeixide traduciu a páxina de DeLi Linux ao galego , estando así nun total de cinco linguas dispoñibles.

Pódese acceder á páxina de DeLi Linux en galego, ou ao wiki (en “obras”) e ao foro de axuda (o foro retirarase se non se usa).

DeLi Linux é un GNU/Linux “de escritorio lixeiro” . É unha distribución de GNU/Linux para vellas computadoras, a partir do 486 ao Pentium II ou III. Inclúe clientes de correo-e, navegador gráfico, programas de oficina con procesador de textos e folla de cálculo, etc. Unha instalación completa, incluíndo XOrg e ferramentas de desenvolvemento, non necesita máis de 350 MB de espazo no disco duro.

Podes ler a nova completa con máis información na súa fonte orixinal:
http://www.glug.es/node/2331  

Terra Soft Solutions anunciou a dispoñibilidade dunha versión actualizada de Yellow Dog Linux, versión 5.0.2. Esta nova versión conta cun DVD de instalación con soporte para Apple G4 e G5, a consola de Sony PS3 e para os servidores de IBM “System p”, ademais dos JS20/21, OpenPower, e os actuais sistemas POWER5.

Entre as novas características de Yellow Dog Linux 5.0.2 destacan:

• Kernel 2.6.22-rc4.
• SDK v2.0 para Cell BE.
• Resolvéronse máis de 70 bugs e actualizacións.
• Soporte para sistemas de 32bits e 64 bits.
• Soporte beta para IBM ‘System p’.

Máis detalles desta nova versión no anuncio da liberación. Yellow Dog Linux 5.0.2 está dispoñible mediante descarga dende YDL.net por (US$69.95) ou na tenda online da compañía por (US$49.95).

Fonte: http://distrowatch.com/?newsid=04292

Xa está liberada a versión estable de Yoper GNU/Linux 3.0. cuxo nome en clave é ‘Titanium’. Yoper é unha distribución para procesadores i686 e compatibles onde cada paquete foi optimizado coidadosamente.

Está nova versión conta co Kernel 2.6.21.1 co ck-patchset que inclúe o planificador de procesos SD. Ademais tamén dispón de:

Esta versión está dispoñible en catro formatos diferentes:

1. O slim cd de aproximadamente 142 MB feito para aqueles aos que lles gusta construír o seu propio sistema.
2. O single cd de 690 MB é a opción ideal para o usuario intermedio.
3. O live cd de 705 MB.
4. O DVD Version de 3.7 GB especialmente adicado a aqueles que non teñen Internet e precisan de tódolos paquetes dispoñibles.

Fonte:
http://www.yoper.com/announcements/yoper-3.0/ 
http://diariolinux.com/

Podes consultar máis información deste software na súa páxina oficial:
http://gobby.0x539.de/trac/wiki

Capturas de pantalla de Gobby:
http://gobby.0x539.de/trac/wiki/Screenshots