Autor: Alberto

Un estudo de Forrester e Unisys sobre 500 responsábeis de sistemas de

empresas de Europa e de EEUU demostra que as principais razóns polas

que as corporacións adoptan o código aberto é para reducir custos

operativos (o 62% opina isto).

Porén, Forrester insiste que o prezo non é a única razón. Os

directivos que se enquisaron resaltan outras vantaxes como a

flexibilidade do negocio, a compatibilidade cos estándares abertos, o

uso do código sen restricións e o feito de non depender dun único

provedor.

A FSF desde sempre destacou as catro liberdades do software libre (uso,

análise, distribución e modificación) como as virtudes fundamentais e

nunca o seu prezo.

Resulta evidente que calquera migración implica un custo asociado ás

tecnoloxías; no entanto, en moitos casos este custo resulta

moi barato por non depender dunha tecnoloxía que pode deixar de existir

ou que non ofrece toda a funcionalidade requirida. Os contornos con

software libre achegan a liberdade necesaria de adaptación aos

sistemas; esta flexibilidade, unida ao feito que non se necesiten

comprar licenzas en cada ampliación, son as que aumentan a

produtividade e dotan da liberdade precisa para unha correcta

escalabilidade dos sistemas.

Ligazóns:

http://www.elpais.com/articulo/tecnologia/realmente/economico/software/codigo/abierto/elpeputec/20070523elpeputec_1/Tes

http://www.fsf.org/licensing/essays

http://www.gnu.org/philosophy/

http://www.fsf.org/

As catro liberdades do software son (1) a liberdade de usar o

programa con calquera propósito, (2) a liberdade de estudalo, saber como

funciona e adaptalo ás túas necesidades, (3) a liberdade de distribuír

copias del e (4) a liberdade de mellorar o programa e facer públicas a

melloras aos demais (evidentemente cómpre o acceso ao código fonte do

programa).

Neste caso, Gartner declarou que os usuarios deben ter o dereito de

modificar e de distribuír o código fonte así como os seus traballos

sen ningún impedimento.

Nunha nota recente de investigación, os analistas de Gartner Brian

Prentice e Mark Driver declararon que algúns membros da comunidade de

código aberto estaban preocupados polo papel que os subministradores

desempeñan na subministración e no soporte deste tipo de software.

Tamén xulga que os subministradores queren redefinir cada vez

máis o significado de código aberto para o facer compatíbel, por

exemplo, co licenciamento de atribucións, o cal estabelecería que o

usuario só podería modificar e redistribuír o software se os

subministradores lle dan un certo «permiso», algo que está nunha

contradición clara co espírito do open source ao este último

permitir as catro liberdades.

Según Gartner, o actual debate entre os subministradores de código

aberto intenta reconciliar unha incompatibilidade inherente ao concepto

mesmo. A incompatibilidade non está en intentar comercializar software

libre, senón no seu modelo de negocio en contraposición coa

industria actual que está deseñada para conseguir o dominio dun único

subministrador de produtos ou de estándares de tecnoloxía.

Tamén avisa os usuarios de open source de que a incerteza que xeraron

as reclamacións dos subministradores pode facer “máis difícil” as

decisións sobre a súa subministración e arquitectura. Para non ter

este problema, Gartner suxire que os usuarios esixan unha definición

estrita do código aberto que recolla o relativo á modificación e

á redistribución de código.

Fonte:

http://www.idg.es/comunicaciones/noticia.asp?id=94158912&seccion=tecnologias

O OpenSolarisDay terá lugar este 31 de maio na Universidade Carlos III de Madrid. Organizáronse obradoiros sobre OpenSolaris e as súas novidades, onde se realizarán prácticas sobre ZFS, Dtrace, virtualización e presentarase a distribución Nexenta (GNU/OpenSolaris). Entregarase tamén un DVD con toda a documentación en castelán sobre OpenSolaris (OrangeBooks), as presentacións dos relatorios e obradoiros, modelos de comandos de OpenSolaris e o StarterKit da comunidade OpenSolaris. A inscrición para asistir ao evento organizado por Microsystems pode facerse a través do web do OpenSolarisDay.

Fonte e programa do evento:Opensolaris

Ademais do goberno norteamericano están implicados neste proxecto BMW, DaimlerChrysler, Ford, GM, Honda, Nissan, and Toyota.

Xa está dispoñible a versión 0.3.1 de TNTConcept que incorpora melloras e correccións sobre a súa predecesora. Xunto con este lanzamento tamén se publicou unha versión de demostración do proxecto na que se pode probar todas as funcionalidades da aplicación.

TNTConcept é unha ferramenta Web, baixo licenza GNU/GPL, para xestionar os procesos básicos dunha pequena empresa de servizos. Este software pode ser de utilidade para empresas de servizos, profesionais independentes ou departamentos de desenvolvemento.

Entre as novidades da nova versión (0.3.1) destacan a:

• Incorporación de novos campos en multitude de táboas (foto, xerarquía de empresa, datos de contratos, etc.).
• Inclusión de información sobre campos obrigatorios.
• Validacións en campos.
• Posibilidade de emitir facturas dende o sistema e importar os datos das mesmas desde os partes de actividade.
• Control de facturas recibidas (para cálculo de taxas soportadas e repercutidas).
• Novos formatos de informes.

Para ver en máis detalle todas as funcionalidades convén ler o titorial ou consultar a web do proxecto.

SILU (Sistema Informático Libre Universitario) é a distribución realizada pola Universidad de Las Palmas de Gran Canaria. Baséase en Guadalinex, a distro da Junta de Andalucía, e contou coa colaboración da administración autonómica canaria e a empresa Emergya.

Esta primeira distro SILU, será repartida entre os estudantes e profesores das enxeñerías de Informática e Telecomunicacións, como experiencia piloto para avaliar a aceptación dos usuarios e considerar a súa posible extensión a máis centros da Universidad de Las Palmas de Gran Canaria.

Esta semana anunciouse unha nova versión de BeleniX, o live CD de escritorio baseado en OpenSolaris.

Esta nova versión está baseada en OpenSolaris Build 60, dispón do módulo completo X.Org 7.2 baseado nas fontes de Solaris X e Compiz 0.5.0 3D integrado en Xfce e KDE. Tamén se engadiu GNU Parted port para OpenSolaris e GParted coa capacidade de modificar o tamaño de particións NTFS, FAT e ext2, ademais de contar con actualizacións a varios paquetes de software como Xfce 4.4.1, GTK+, Cairo, Pango e KOffice 0.6.2.

Para máis información visitar a seguinte ligazón …

O CD pódese descargar dende a ligazón
http://www.genunix.org/distributions/belenix_site/?q=download

Fonte:
http://distrowatch.com/?newsid=04252

Son moitos os comentarios que se poden ver por internet sobre que non se

pode facer a declaración por internet usando outros sistemas que non sexan Windows; pois ben, que pasaría se Facenda liberase os programas baixo algún tipo de licenza libre e abrise os formatos que emprega?.

Debido a seguranza que achegan os sistemas de certificación dixital, poderíanse facer programas compatibles para todos os sistemas

operativos, ter maior interoperabilidade entre Facenda cos bancos e

ademais, moi probablemente, a comunidade liberaría programas e as súas

melloras de forma gratuíta. O crecemento de aplicacións empresariais

que usasen os estándares da administración sería tanto en calidade como

en cantidade: a diversidade de ERP xeraría un bo nicho de mercado

nesta área.

Até o momento, Facenda aplica melloras de forma progresiva: ten

formatos que permiten certa interoperabilidade entre bancos e o

programa «PADRE», cada vez vai mellorando máis os sistemas e as

facilidades que lles dá aos contribuíntes; daquela, por que non dar o

seguinte paso?, por que non liberar o programa «PADRE»?.

Unha nova implementación do programa «PADRE» pode ser realmente custosa

para a adaptar a outros contornos, mais de se liberar este custo

sería asumido tanto pola comunidade como por empresas privadas que

desenvolvan novos ERP e programas para lles dar maiores facilidades aos

usuarios, Facenda só tería que preocuparse dos formatos para a

interoperabilidade dos sistemas.

En exercicios anteriores, podíase conectar a través dun

servidor CITRIX para poder facer a declaración desde outros sistemas

operativos, unha facilidade que este ano parece non existir. Como

suxestión de futuro, debería apostarse por protocolos abertos e

programas libres xa que ao final son os máis rendibles. Facenda gañaría

por dúas bandas: aforraría no desenvolvemento do programa e xeraría máis

emprego.

Hoxe, a oficina española da W3C celebra o “Día W3C en España”  en Madrid coa colaboración da Fundación CTIC e a Universidade Politécnica de Madrid. Este evento, que se desenvolverá na ETSI de Telecomunicación da Universidade Politécnica de Madrid, ten como obxectivo debater o presente e o futuro do uso dos estándares web e coñecer as experiencias de empresas e organismos no referente ao seu labor na súa aplicación.

Na xornada matutina, aberta ao público previamente inscrito, trataranse temas relacionados co web 2.0 e os seus problemas de accesibilidade, así como os beneficios e as desvantaxes que se atopan as empresas e os organismos á hora de aplicaren estándares nos seus servizos…

OCRopus é un sistema de análise de documentos e recoñecemento óptico de caracteres. O motor de OCRopus está desenvolvido e esponsorizado en Google Code. Inicialmente estase a desenvolver para plataformas GNU/Linux x86 e x86/64 baixo Ubuntu 6.10. O código podería ser facilmente portado a outras distribucións GNU/Linux ou outras plataformas.

Empregando OCRopus pódese recoñecer o contido dunha imaxe e retornar unha saída en HTML, en concreto ao microformato hOCR.

Un exemplo para converter o texto dunha imaxen PNG a HTML dende a liña de comandos:

./ocropus ocr test-page.png > output.html

Dende o wiki están detalladas todas as opcións por liña de comando.

hOCR é un formato para a representación da saída OCR, incluíndo información da maquetación, caracteres confidenciais, caixas ligadas e información do estilo. Esta información é invisible sendo gardada en formato HTML estándar. Ao estar gardada en formato HTML estándar pódese traballar de forma automática por calquera linguaxe de programación. Para traballar co formato hOCR están dispoñibles as hocr-tools que son un conxunto de ferramentas para manipular e avaliar o formato hOCR e representar os resultados do formato multilingua OCR e incluílos dentro de código HTML.

Pódense seguir os pasos de instalación de OCRopus dende o wiki do proxecto.

Para máis información do formato hOCR consultar o seguinte PDF.

Asterisk é un sistema telefónico de código aberto popular en todo o mundo, ofrece flexibilidade, funcionalidade e características non dispoñibles en sistemas propietarios. [[Asterisk]] é un completo IP PBX (intercambio privado de negocios sobre IP) para negocios e pode ser descargado libremente.

Un novo selo discográfico dunha empresa de telefonía para grupos independentes utilizou Linux na súa campaña de marketing, para dita campaña publicitaria empregaron unha centraliña baseada en Asterisk coa que repartían streaming de audio a máis de 200 persoas simultaneamente.

Na reunión designarase unha comisión responsable da formación da asociación así como definir os mecanismos de comunicación e primeiros pasos a levar a cabo.

Ademais de falar sobre a asociación local de empresas de Software Libre, informarase aos asistentes da creación dunha organización que represente ás empresas de todo o estado. Nesta organización de ámbito estatal estarían integradas tamén as diferentes organizacións rexionais. 

Para coñecer a iniciativa da federación estatal, así como coñecer as motivacións e experiencias doutras asociacións xa existentes, estará presente Daniel Armendáriz -Presidente de ESLE, a asociación de empresas vascas de Software Libre.

A orde do día inclúe: