Autor: Alberto

Microsoft apoia ODF (Open Document Format). A compañía anunciou onte que votou para engadir ODF 1.0 á lista do Instituto Nacional de Estándares Americanos (ANSI) . O formato ODF (ODT, etc) é usado polo competidor libre de Office chamado OpenOffice que se pode descargar en galego dende esta páxina de mancomun ademais de estar soportado tamén por: KOffice e empresas da talla de: IBM, Sun, Oracle, Corel, Novell, Opera e RedHat.

Segundo declaracións do encargado de estándares e interoperabilidade de Microsoft, “Escoitamos aos nosos clientes e eles dixéronnos que querían elixir, queren interoperabilidade, queren innovación”, se ben outras fontes comentan que Microsoft xa perdeu importantes contratos coa administración estadounidense por non seguir certos estándares ou non soportar formatos coma PDF o ODF …

De todos modos, Microsoft intenta engadir á lista o seu “Open XML” como formato de arquivo usado polo seu Office 2007. Outras voces como por exemplo a do vicepresidente de IBM de Software Libre e estándares abertos din «Microsoft pensa que necesitamos moitos estándares: Os estándares da industria ademais dos que eles inventan. Iso é o porqué de que queiran “elixir” se non hai elección a industria non usará o que Microsoft cree». Non é casualidade pois IBM é o máis firme opoñente dos esforzos de Microsoft por estandarizar o seu Open XML, de feito, foi o único membro do Ecma en votar en contra de usar este formato coñecido como OOXML.

Fonte:
http://www.adtmag.com/article.aspx?id=20680

Hipoiqh foi desenvolvido por un grupo de profesionais galegos que empregan para o seu desenvolvemento PHP, Apache, GNU/Linux e Firefox entre outras ferramentas libres. Coa liberación do plugin pretende acadar unha mellora continua no seu desenvolvemento.

Esta iniciativa é candidata á mellor Startup 2.0 europea, un certame orientado a premiar as webs máis innovadoras.  

A secretaria xeral de Telecomunicacións e Sociedade da Información, Pilar Rodríguez, presentou os resultados da orde durante o acto de inauguración de Mundo Internet. Na súa intervención, Pilar Rodríguez destacou a importancia da implicación de todos os sectores presentes no congreso para a construción da nova sociedade do coñecemento en Andalucía. Rodríguez sinalou o excelente resultado da nova convocatoria da orde de incentivos dirixida a fomentar o desenvolvemento de proxectos de innovación e de modernización dos concellos, nas deputacións e nas mancomunidades andaluzas.

Fontes: Barrapunto Software Libre II Conferencia Internacional Xunta de Andalucía

A Axencia Andaluza da Enerxía, en colaboración coa Dirección Xeral de Innovación e Administracións Públicas, dependente da Consellería de Innovación, Ciencia e Empresa, desenvolveu unha solución baseada en estándares abertos e en software libre que permite a edición cartográfica de liñas e de polígonos a través do web, empregando a referida ferramenta baseada no estándar WFS/T. Así, a axencia facilítalles aos usuarios a forma de realizar, actualizar e manter a cartografía base que se emprega no Inventario de Instalacións Enerxéticas Municipais (INVIEM),

A Axencia Andaluza da Enerxía conta coa aplicación INVIEM que posibilita o levantamento de puntos de luz, semáforos, centros de mando e/ou módulos de medidas, entre outros. O INVIEM dispón de información xeográfica sobre todas as instalacións enerxéticas do ámbito municipal. Esta información complétase coa xestión da facturación eléctrica que se realiza desde o programa GEFAEM e onde se salientan valores de consumos e de custos enerxéticos. A nova ferramenta de edición cartográfica supuxo unha mellora considerable, contrastada con outras tecnoloxías que se empregan na axencia, tanto no rendemento como nos custos de licenzas.

Outra das súas melloras é que para traballar con este visor tan so é necesario un navegador que pode empregar calquera persoa sen ningún tipo de requisito, que recolle a posibilidade de edición das guías de rúas dos distintos municipios que forman parte do sistema de información INVIEM. Os resultados obtidos co novo sistema formulan a migración do resto de ferramentas, actualmente con software privativo á nova arquitectura totalmente en software libre, xa que ofrece unhas prestacións moi superiores con respecto á ferramenta baseada en software privativo.

Fonte: http://www.andaluciajunta.es

A Fundación Orange vén de lanzar o número 7 da serie “Cuadernos de la Sociedad de la Información”, que, baixo o título “Discapacidad y eAccesibilidad”, analiza as barreiras e as oportunidades que as Tecnoloxías da Información e a Comunicación ofrecen aos máis de tres millóns e medio de persoas con diversidade funcional que viven en España.

As “Liberation Fonts” son un paquete de fontes que acaban de ser liberadas por [[Red Hat]], e que están destinadas a substituír ás fontes propietarias de Microsoft.

O motivo da creación destas fontes foi o problema de que existe un paquete de fontes, amplamente utilizadas; pero que pertencen a Microsoft.

Moitos documentos empregan ditas fontes, que ao ser abertos, con OpenOffice.org por exemplo, móstranse cun aspecto lixeiramente diferente e “movido” ao que mostran por exemplo en Microsoft Office…

As fontes foron liberadas durante o Red Hat Summit. Existen 3 conxuntos de fontes: Sans (substitúe a Arial, Albany, Helvetica, Nimbus Sans L e Bitstream Vera Sans), Serif (substitúe a Times New Roman, Thorndale, Nimbus Roman e Bitstream Vera Serif) e Mono (Courier New, Cumberland, Courier, Nimbus Mono L e Bitstream Vera Sans Mono).

Para a xente que usa Red Hat Enterprise Linux e/ou Fedora e queira estes paquetes en formato [[RPM]] para instalar, poden obtelos a través do servizo RHN.

Para outros sistemas operativos ou para a xente que queira as fontes no seu formato nativo (ttf), poden obtelas dende aquí.

O novo paquete de fontes mantén o tamaño e proporcións das fontes privativas evitando desta forma que os documentos se vexan de forma distinta ao ser abertos.

Nota de prensa de Red Hat

Esta solicitude, dirixida ao Parlamento Europeo e apoiada pola Alianza Eurolinux, ten como finalidade advertir as Autoridades Europeas dos perigros das patentes de software, sobre todo canto a innovación e competencia.

Fonte:

Aínda hai grandes empresas que seguen mantendo sobre os seus principios básicos aqueles que lles fixeron seguir o camiño correcto e que lles fixeron chegar lonxe ata o día de hoxe. RedHat é un bo exemplo xa que, no acordo entre ela e Microsoft, quere deixar claro que sempre hai que traballar sobre código aberto.

Ata tal punto chegou Paul Cormier, vicepresidente executivo de RedHat, que declarou que non se asinará nada con Microsoft a non ser que se comprometa a traballar con API abertos. Así de claros son e así de xustos, por así dicilo. E é que, segundo a sua filosofía, traballar en API pechados non é interoperabilidade, que é o que procurar ambas as empresas con este contrato.

Moi valente foi RedHat que, ao manter os seus principios, hoxe en día segue sendo o espírito máis puro do software libre.

Fonte:

Fontes: El País  e Libremeeting

Estes programas están dirixidos ás seguintes tecnoloxías sectoriais:

-Medio rural (MRU).
-Medio mariño (MMA).
-Recursos enerxéticos e mineiros (REM).
-Medio natural e desenvolvemento sostible (MDS).
-Biomedicina e ciencias da saúde (CSA).
-Tecnoloxías da alimentación (TAL).
-Tecnoloxías dos materiais e da construción (TMT).
-Deseño e produción industrial:
Modalidade A. Deseño e produción industrial (DPI).
Modalidade B. Deseño e produción na automoción (DPA).
-Tecnoloxías da información e as comunicacións (TIC).
-Sociedade da información (SIN).
-Sociedade e cultura (SEC).
-Turismo (TUR).

Fonte: DOG