Ciencia, educación e aprendizaxe en liberdade (SELF)

Ciencia, educación e aprendizaxe en liberdade (SELF)

http://www.mancomun.org/images/stories/self.jpgSELF é un proxecto internacional que conta cunha plataforma para, dun xeito colaborativo, compartir e crear materiais libres para educación e capacitación en Software Libre e estándares abertos.

A Plataforma SELF difunde as vantaxes do uso de Software Libre e fornece materiais educativos e de capacitación para aprender o uso de aplicacións de Software Libre.

As aplicacións de Software Libre están dispoñibles en todos os campos e poden ser obtidas de moitas fontes. Para empregalas débese primeiro coñecer a súa existencia e valor práctico. Ademais, a falta de soporte técnico foi unha das razóns para xustificar o fracaso ou a demora na adopción de Software Libre. O cambio tecnolóxico real e de longo prazo dende o software privativo ao Software Libre só pode chegar cunha inversión en educación e capacitación.

A plataforma SELF é:

  1. un repositorio con materiais de educación e capacitación libres sobre Software Libre e estándares abertos
  2. un contorno de creación colaborativa para novos materiais

Inspirada na [[Wikipedia]], a plataforma SELF dispón de materiais en diferentes idiomas e formatos. A plataforma SELF é ademais un instrumento para avaliación, adaptación, creación e tradución de estes materiais. Pero o máis importante, a plataforma SELF é unha ferramenta para unir á comunidade con esforzos profesionais para o beneficio público.

Aqueles que participan na plataforma poden mellorar os seus propios contidos dun xeito colaborativo, mentres gañan experiencia, prestixio e recoñecemento na comunidade. Simultaneamente a súa participación axuda a mellorar os materiais de SELF, realzando a comunidade. Como resultado, o modelo comunitario de SELF garante unha situación vantaxosa para aqueles que acheguen esforzos na plataforma e aqueles que a empregan.

Fonte: Libro Blanco  

Balance do Plan de Acción 2023

1 Decembro 2021 Informe

Plan de Software Libre 2024

1 Decembro 2021 Informe

#IA #PlanDeAccion #EntrevistasComunidade

Tendencias
Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal