Na web oficial de extensións do OpenOffice.org atopamos unha interesante extensión: Auto Starter for Presentation Documents.
Esta extensión permítenos que ao abrir un ficheiro de presentacións (inclusive do formato .pps de PowerPoint), este se execute automaticamente a pantalla completa e en modo presentación.
Para facer que funcione a extensión cos formatos de OpenOffice.org Impress é necesario seguir as instrucións que se detallan na páxina da extensión…
Con esta extensión vense a resolver un problema que xa algún usuario de Mancomun.org tivera á hora de usar ficheiros .pps de PowerPoint.
A modo de resumo, o funcionamento sería o seguinte:
- Para ficheiros .pps:
- Abrir directamente o ficheiro e xa iniciará automaticamente
- Para o formato de ficheiros .odp de OpenOffice.org:
- Usar a barra de ferramentas da extensión que contén dous botóns:
- Un triángulo que habilita esta opción
- Un cadrado que a deshabilita
- Establecer nas propiedades do ficheiro (menú Ficheiro->Propiedades), na pestana “Definido polo usuario”, o primeiro valor (info1) a “autostart”.
