Á venda o primeiro télefono libre de última xeración

Xa está dispoñible o primeiro teléfono de última xeración, baseado no sistema operativo aberto, que corre sobre Linux e que recibe o mesmo nome: OpenMoko (OpenMoko GNU/Linux). Neo 1973 é o nome do primeiro modelo lanzado polo proxecto e á venda na súa tenda online.

A principal vantaxe deste terminal é que, ao basearse totalmente en tecnoloxía aberta, ofrece todo o potencial para instalar ou configurar nel calquera aplicación e sen ningún tipo de restricións. Así, o usuario pode completar ao seu gusto o software básico incluído, destinado exclusivamente a facer chamadas, enviar e recibir mensaxes, así como manexar contactos.

Está previsto que coas revisións deste “teléfono aberto”, que chegarán entre os meses de agosto e de outubro, incluiranse novas actualizacións como a opción de servizos de localización.

O modelo dispoñible á venda custa actualmente 399$ e ofrece unha comparativa bastante positiva con respecto ao seu competidor directo, o iPhone de Apple.

 (Fonte: Apustech)

A seguinte versión de OpenMoko, que sairá ao mercado en outubro, custará 450$, e traerá incorporadas as seguintes melloras:

• WiFi 802.11 b/g

• Samsung 2442 SoC (400MHz and Camera interface)

• Acelerador Gráfico SMedia 3362

• 2 Acelerómetros 3D

• Memoria Flash 256MB

Máis información: OpenMoko