Os usuarios que empreguen o navegador Firefox en varios equipos, e queiran ter a mesma información nos mesmos de xeito doado poden empregar Weave 0.2, unha aplicación que se integra no navegador e que fai unha copia dos favoritos, o historial de navegación, as cookies, os contrasinais ou a información que introducimos en formularios para poder sincronizala con outros navegadores de xeito automático.
Esta información persoal viaxa pola Internet de xeito seguro (mediante encriptación) e polo momento só ten unha serie de funcionalidades básicas, agardándose que no futuro poida tamén sincronizar complementos, engadidos de busca e outras funcións coas que podería contar Firefox.
Fonte: Código Cero
