Xa está dispoñible o formulario de inscrición para o hackathon (obradoiro) de e-téxtiles (téxtiles intelixentes) organizado pola asociación GALPon e A Industriosa.
Os téxtiles intelixentes ou e-téxtiles son tecidos que inclúen compoñentes electrónicos como baterías, LED ou mesmo pequenos computadores.
Estos proxectos permiten aos makers con coñecementos previos de electrónica e/ou linguaxes de programación, adquirir novas técnicas e desenvolver habilidades artísticas e creativas como coser, calcetar, tecer, debuxar ou pintar.
E tamén permite a persoas que non se relacionaban previamente coa electrónica e si tiñan experiencia con téxtiles, ampliar o alcance das súas creacións mediante o uso destes novos materiais.
Se queres saber máis sobre esta actividade, en Mancomún falamos deste hackathon en profundidade nesta nova.
Logo de GALPon
Datos sobre o hackathon
Data: Sábado 14 setembro 2019
Relatorio de 10.00- 11.30
Horario obradoiro: 11.30 – 18.30
Duración total: 8.30 horas
Lugar: Aínda por determinar, está solicitado o espazo na Casa das Palabras en Samil e no Cento Cívico de Teis.
Prazas limitadas
Prazas totais para o relatorio: 80
Prazas totais para o obradoiro: 40
Unha vez feita a inscrición, recibirás un correo-e para confirmar a inscrición antes de 24 horas. Se non fas a confirmación a túa inscrición será eliminada.
Logo de A Industriosa
Prenda de roupa para as (túas) prácticas
Dende a organización comentan que é boa idea levar cousas variadas para traballar con elas.
Algunhas das prendas que propoñen levar son: camiseta, camisa, vestido, saia, pantalón, calzón, pucho ou calquera que se vos ocorra.
Máis información
Formulario de inscrición
Web de GALPon con toda a información sobre o obradoiro
