O complemento FirefoFalaGalego, que permite a tradución en liña dun texto do castelán ao galego, actualizouse para que traballe no novo Firefox 3. O complemento emprega o servizo Opentrad para realizar as traducións e pódese instalar dende a páxina de “addons” de Mozilla.
Para utilizar o complemento so fai falla seleccionar un texto en castelán e premer as teclas ALT + G. Despois de esperar a resposta por parte do servizo Opentrad, amosará a tradución do texto seleccionado. Dende a páxina de Ousli pódense atopar máis información para a posta en funcionamento do complemento.
A nova versión FirefoxFalaGalego2 engadirá novas direccións para a tradución, de momento están dispoñibles as seguintes: galego-castelán, inglés-castelán e inglés-galego.
Interface do novo complemento
O novo complemento intégrase na interface de Firefox e xa é posible empregar as opcións de “copiar e pegar” sen modificar as configuracións do navegador. A última versión pódese instalar dende o seguinte enderezo:
