Nunhas datas tan repletas de festas por todos os recunchos como son as deste fin de semana de xullo, temos que dar conta tamén que a Asociación Informática Amigus está a celebrar o sexto aniversario da súa páxina web, amigus.org.
Esta asociación que foi fundada no ano 2002 por un grupo de veciños das Pontes, ten como obxectivos principais achegar a informática aos veciños do lugar, promover o uso do software libre e poñer en marcha unha rede sen fíos local de uso libre.
Chegados a este punto dende a asociación fixeron balance destes seis anos en liña, nos que acadaron uns grandes resultados, a pesar de que contan cun equipo de desenvolvemento e mantemento moi reducido. Pero iso si con unha multitude de colaboradores activos e de lectores, aos que Amigus agradecen as súas achegas e colaboracións.
O resultado do balance destes seis de traballo son:
-
Máis de 1.200.000 entradas na portada da páxina
-
Máis 11.000 artigos
-
Máis de 15.000 comentarios aos artigos
-
186 temas nos foros
-
1.153 mensaxes nos foros
-
Máis de 15 Gb de información nos seus servidores
-
As seccións especiais: Tempo nas Pontes, un Rueiro, un Álbum fotográfico, os Sons da Vila, Deporte Pontés
-
A loita polo Círculo Lítico da Mourela (DEP). E todas as protestas que se fan case a diario nesta páxina..
-
Apoio ao Software Libre
-
Apoio ao comercio local coa páxina web irmá MercaNasPontes, e o apoio á tenda da Agroalimentaria do Eume
-
Os múltiples programas de man das festas e feiras das Pontes
