O 1 de marzo liberouse unha nova versión dentro da rama 2.4 de Gimp, recentemente traducido ao galego. Esta nova versión, a 2.4.5 non engade funcionalidades, máis corrixe algúns erros detectados e problemas coñecidos. Podes descargar esta nova versión desde a páxina do Gimp no DVD da PEME de Mancomún
http://peme.mancomun.org/navegacion/gimp.htm
Tamén tedes á vosa disposición para descargar a ISO coa última versión do DVD da Peme que inclúe diversas ferramentas informáticas de uso cotidián nunha PEME:
http://peme.mancomun.org/dvd-peme.iso
Ademais, cabe destacar o redeseño que se fixo hai unhas semanas na súa nova páxina web, redeseño que fai máis navegable a web e fai que consultar as distintas seccións e documentación sexa máis fácil…
O que aínda non se levou a cabo foi o redeseño da interface do programa, interface moitas veces cuestionada polos usuarios que veñen de usar anteriormente ferramentas propietarias do estilo de Photoshop. Para todos eses usuarios descontentos coa interface do Gimp, e máis para os que non, existe un blogue Gimp UI Brainstorming onde se trata o redeseño da interface e onde se publican as ideas dos usuarios de como lles gustaría que fose a interface de ventás de Gimp.
Se tes algunha idea e queres, podes mandar a túa proposta, e o equipo de redeseño de Gimp a revisará e publicará na web.
Fonte:
http://www.genbeta.com
