A Free Software Foundation (FSF) anunciou os gañadores dos premios ao software libre correspondentes ao ano 2008. Este anuncio foi feito durante a “GNU/Linux conference LibrePlanet” que tivo lugar o 21 e 22 deste mes no “Harvard Science Center” en Cambridge.
O premio recibido por Creative Commons foi o de mellor proxecto en prol do beneficio público no entanto que Wietse Venema, foi o gañador en promoción do software libre. Este alemán foi o creador de Postfix , entre outras moitas cousas.
Segundo as súas palabras: “Na miña experiencia, o software libre representa unha oportunidade tremenda de contribuír á sociedade, por parte tanto de individuos coma de organizacións. Estou moi agradecido polas oportunidades que tiven nos pasados 20 anos, e estou orgulloso de que tanta xente tivera usado o meu software.”
Venema únese á unha larga lista de distinguidos gañadores como foron
- 2007 Harald Welte
- 2006 Ted Ts’o
- 2005 Andrew Tridgell
- 2004 Theo de Raadt
- 2003 Alan Cox
- 2002 Lawrence Lessig
- 2001 Guido van Rossum
- 2000 Brian Paul
- 1999 Miguel de Icaza
- 1998 Larry Wall
