OmegaT é unha ferramenta de memoria de tradución libre escrita en Java, o que a dota de capacidades multiplataforma. Segundo se indica na súa páxina web, a ferramenta está pensada para ser usada por profesionais. Algunhas das súas características principais son:
- Coincidencias parciais ou dubidosas.
- Propagación de coincidencias.
- Procesado simultáneo de proxectos con múltiples ficheiros.
- Uso simultáneo de múltiples memorias de tradución.
- Glosarios externos.
- Formato de ficheiros: XHTML, HTML, StarOffice/OpenOffice.org, OpenDocument, XLIFF, MediaWiki, só texto, calquera ficheiro de texto que soporte Java, Office Open XML, ficheiros DocBook, ficheiros PO.
- Compatíbel con UTF-8: pode usarse con alfabetos non latinos
- Compatíbel con idiomas RTL (escritura de dereita a esquerda)
- Compatíbel con outras aplicacións de memorias de tradución (TMX)
OmegaT permite exportar e importar ao formato intermedio estándar TMX (Translation Memory eXchange). Os ficheiros de glosario do OmegaT son ficheiros de texto delimitados mediante tabulacións co termo fonte na primeira columna, o texto traducido na segunda columna e unha terceira columna que se pode usar para o que se desexe, como por exemplo para insertar comentarios. OmegaT ignora calquera columna adicional e non admite o formato estándar TBX proposto por LISA…
Actualmente para descargar OmegaT hai varias opcións:
- A última versión estábel que é a 1.8.1
- A versión de desenvolvemento da rama 2.0.1 (aínda en fase Beta).
- A versión 1.7.3 (obsoleta pero ampliamente usada).
Todas estas versións pódense descargar con/sen a máquina virtual de Java (JRE), necesaria por outro lado para o seu funcionamento.
