Despois de lanzar a nova versión 11.0 o pasado mes de xuño, a comunidade de OpenSuse quere agora promocionala coa difusión gratuíta do OpenSuse PromoDVD entre todas aquelas persoas que así o soliciten na web do proxecto.
Esta iniciativa, ao estilo de Ubuntu, ten como obxectivo potenciar a presenza de OpenSuse en eventos como encontros linuxeiros, festas de instalación, conferencias…, así como tamén institucións educativas, como escolas e universidades, para que poidan ser probados.
