Garmin vén de publicar o código fonte Linux dos seus dispositivos de navegación GPS da serie Nuvi 8xx e Nuvi 5xxx. O Nuvi 8xx ofrece una pantalla de 4,3 polgadas e parece estar baseado nun procesador Marvell PXA-3xx, Linux Gnome Mobil e tecnoloxia de localización GeoClue.
Un vistazo rápido o código fonte do Nuvi 8xx indica que o dispositivo corre un kernel linux 2.6.17.7 nun procesador Marvell “Monahans”, probablemente o Marvell PXA-300 ou 310. O kernel parece estar configurado para usar 64MB de RAM e estar parcheado cos parches de tempo real de Steven Rostedt.
O listado do código fonte do Nuvi 800 atópase moi ben organizado por licenza. Inclúe un ficheiro de parche que mostra tódolos ficheiros .config do kernel. Velaquí unha listaxe dos paquetes de código aberto que inclúe:
- gnome 2.4.0
- gnome-vfs-2.16.3
- xserver-kdrive-common-0.1
- busybox-1.01
- tinylogin-1.4
- alsa
- blueZ
- matchbox window manager
- geoclue-0.9
Na páxina de Linux Devices podes atopar máis información deste aparello.
