Curso de Drupal 10 Site Building, no CNTG

Luns, 12 Febreiro 2024
Curso de Drupal 10 Site Building, no CNTG

O Centro de Novas Tecnoloxías de Galicia organiza un curso de Drupal 10 Site Building, en modalidade de teleformación. Unha acción formativa cuxo propósito é a capacitación profesional das persoas participantes para o deseño, desenvolvemento, implantación e xestión de portais web, utilizando Drupal.

Drupal é un sistema de xestión de contidos (CMS, Content Management System) que se distribúe como software libre, polo que pode ser modificado e distribuído libremente.

logo de drupal

A través deste curso, o alumnado será capaz de desenvolver novas funcionalidades en Drupal que permitan adaptar un sitio web aos requisitos funcionais requiridos. Estará capacitado para afrontar, tanto individualmente como en equipo, o deseño e implementación de sitios web complexos.

O curso de Drupal 10 Site Building vai dirixido a:
– Calquera persoa que queira aprender a desenvolver sitios web complexos sen necesidade de programación
– Desenvolvedoras/es con coñecementos de programación que requiren coñecer todo o que se pode facer con Drupal a nivel de Site Building
– A especialidade de Site Building é tamén útil para aquelas persoas que teñen que xestionar sitios web con Drupal 10: publicar contidos, crear usuarios, asignar roles…

Temario

Impartirase o seguinte temario durante o curso:

1. Introdución a Drupal 10

2. Instalación de Drupal 10

3. A área de administración

4. Xestión de contidos

5. Tipos de contido I: introdución a tipos de contido e campos

6. Tipos de comentario

7. Xestión de menús

8. Xestión de bloques

9. Temas I: instalación e configuración de temas

10. Ampliación de funcionalidades con módulos contribuídos

11. Xestión de usuarios, roles e permisos

12. Taxonomía

13. Formatos e editores de texto

14. Tipos de contido II: campos adicionais

15. Xestión de arquivos e imaxes

16. Tipos de contido III: presentación de contidos

17. Procuras

18. Idiomas, tradución e sitios multilingües I

Máis información e inscrición

Balance do Plan de Acción 2022

1 Decembro 2021 Informe

Plan de Software Libre 2023

1 Decembro 2021 Informe

#IA #InformesDeUsoAnuais

Tendencias
Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal