Global Game Jam 2024, creación colectiva de videoxogos

Luns, 15 Xaneiro 2024
Global Game Jam 2024, creación colectiva de videoxogos

Do 26 ao 28 de xaneiro, terá lugar no Local social Centro Leste de Pontevedra a Global Game Jam 2024, un evento de creación de videoxogos que terá lugar de maneira simultánea en todo o mundo durante o último fin de semana de xaneiro. “Jam” é unha referencia ás jam sessions musicais. Do mesmo xeito, o obxectivo dunha “game jam” é reunirse e crear un videoxogo.

Organizado por HobbyPont, un grupo de apaixonados polos videoxogos, a programación e a creatividade, a Global Game Jam en Pontevedra medrou en popularidade e participación nas últimas catro edicións.

Cartel do Global Game Jam 2024
captura de videoxogo de plataformas
26 ao 28 xaneiro 2024

O evento arrincará o venres ás 17:00 coa revelación do tema, compartido por todos os participantes en todo o mundo. A partir de aí, os entusiastas dos videoxogos, programadores, deseñadores, ilustradores, músicos e escritores uniranse para formar equipos, intercambiar ideas e comezar o proceso de desenvolvemento dos seus videoxogos. A entrega final dos proxectos está programada para o domingo ás 17:00.

O local estará dispoñible 24 horas, permitindo aos participantes traballar sen interrupcións. Ademais, haberá unha zona reservada para aqueles que desexen descansar e recargar enerxías durante o evento.

Global game jam
HobbyPont GGJ
Mapa de pontevedra

Licenza dos xogos creados

Os creadores do xogo posúen todos os dereitos de propiedade intelectual. Con todo, o Global Game Jam® pode utilizar os xogos para demostracións como considere oportuno. Todos os xogos deben publicarse no estado en que se atopen ao peche do evento do GGJ, incluíndo tanto o código executable como o código fonte (ou equivalente). Todos os participantes e todos os xogos rexistrados no GGJ deberán aceptar unha licenza Creative Commons BY-SA-NC.

Inscrición

A inscrición é gratuíta. Para inscribirse e obter máis información, visite http://www.HobbyPont.com

Para detalles sobre a Global Game Jam, consulte a web da organización en https://globalgamejam.org

Para consultas adicionais, contacta con Evelio Sánchez Juncal no +34 670 67 42 67 ou por correo electrónico a info@HobbyPont.com

Balance do Plan de Acción 2022

1 Decembro 2021 Informe

Plan de Software Libre 2023

1 Decembro 2021 Informe

#IA #InformesDeUsoAnuais

Tendencias
Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal