O Instituto Galego de Promoción Económica concedeu máis de 250.000 euros a proxectos tractores de desenvolvemento en código aberto. Estas subvencións formaban parte da liña de axudas para a mellora do tecido produtivo e recaeron en 9 proxectos elaborados por 6 empresas.
Un dos obxectivos do IGAPE con esta convocatoria era promover o desenvolvemento de proxectos que, mediante a adaptación final de ferramentas en Software Libre, se implantasen de xeito gratuíto nas PEME galegas resolvendo as súas necesidades e servindo coma proba de mercado para a empresa desenvolvedora das solucións.
O IGAPE colaborou tamén coa Fundación Instituto Tecnolóxico de Galicia para desenvolver HGPyme, unha ferramenta para a xestión diaria dunha PEME desenvolvida en Software Libre.
