No portal de Mancomún difundíronse este mes varios eventos como o Curso de Calc na aula CeMIT de Boiro en xuño, a kata mensual de Embedded Rust na Industriosa, un obradoiro de iniciación a KiCad na Industriosa e os talleres de Iniciación a KiCAD no museo Domus A Coruña.
Algunhas novidades relacionadas co mundo do software libre que foron noticia neste último mes foi a publicación de dous programas de Mancomún Podcast: Falamos coa xente de BIMrras e Conversas libres. E a publicación doutro artigo TIC: Aplicacións libres para Android orientadas a empresa – Notas con Joplin.
Proxecto destacado
Inkscape é un editor libre de gráficos vectoriais con características profesionais e multiplataforma (dispoñible para GNU/Linux, Windows e Mac OS). O formato principal que utiliza o programa é Scalable Vector Graphics (SVG), pero desde a ferramenta podemos exportar e importar varios formatos de arquivo, incluíndo SVG, AI, EPS, PDF, PS e PNG.
Inkscape é unha das ferramentas libres de edición de imaxes máis empregadas, usada por deseñadores profesionais (en empresas de publicidade ou imaxe corporativa, enxeñería/CAD, gráficos web ou deseño de cómics) e afeccionados de todo o mundo para crear unha gran variedade de gráficos como ilustracións, iconas, logos, diagramas, mapas e deseños web.
No portal de Mancomún difundíronse este mes varios eventos como o taller de “Iniciación á impresión 3D” na Industriosa, a KiCad Conference (KiCon), a OSHWDem, a Atlántica Conf, a Terceira kata mensual de Embedded Rust ou a Xornada de Software Libre Científico 2023. Algunhas novidades relacionadas co mundo do software libre que foron noticia neste último mes foi a publicación dun novo programa de Mancomún Podcast, onde falamos coas organizadoras da esLibre 2023, e a publicación doutro artigo TIC sobre “Aplicacións libres para Android orientadas a empresa: Escritorio remoto con RustDesk”.
Proxecto destacado
GIMP, solución libre para facer retoques básicos e avanzados ás nosas fotografías e tamén coa capacidade de crear deseños partindo de cero. GIMP adáptase ben tanto para usos profesionais e empresariais, como para usos menos esixentes por parte de usuarios máis básicos. GIMP é unha ferramenta extensible, flexible que se adapta a fluxos de traballo con ferramentas como Inkscape, Krita, Darktable ou Scribus. GIMP pódese usar para diferentes tarefas como son o retoque e edición de imaxes, debuxo de formas libres, cambiar o tamaño e dimensións dunha imaxe, recortar, facer fotomontaxes, converter a diferentes formatos de imaxe, alixeirar o peso do arquivo e outras tarefas máis especializadas como a edición avanzada usando ferramentas como as capas, canles de cor, niveis, curvas e moitas outras.
No portal de Mancomún difundíronse este mes varios eventos como a segunda kata mensual de Embedded Rust por Eloy Coto, o webinar OSPOlogy: A Legal Guide to Open Works in Public Administration, a Akademy-es 2023 que se celebrará en Málaga xunto á Opensouthcode e un curso de LibreOffice na aula CeMIT de Boiro. Algunhas novidades relacionadas co mundo do software libre que foron noticia neste último mes foi a publicación do artigo TIC sobre “Aplicacións libres para Android orientadas a empresa: Dobre factor de autenticación (2FA”) e a publicación doutro programa de Mancomún Podcast sobre a FOSDEM 2023.
Proxecto destacado
OpenTalk, solución de videoconferencia de arquitectura moderna que se presenta como a alternativa europea de código aberto e con licenza EUPL a Zoom, WebEx ou Teams. Pretende demostrar que se pode conseguir calidade, rendemento, facilidade de uso e seguridade sen ter que depender dunha infraestrutura na nube con sede en EE.UU. Un proxecto comercial de código aberto, OpenTalk conta cunha licenza dobre, que se axusta perfectamente ás disposicións da EUPL: existe unha “versión Comunitaria” que pode utilizarse gratuitamente baixo unha licenza que garante a transparencia e, por outra banda, existe unha “edición Enterprise”, cuxo obxectivo é garantir a sustentabilidade empresarial do proxecto e proporciona funcionalidades máis avanzadas
No portal de Mancomún difundíronse este mes varios eventos como a Kata mensual de Embedded Rust, o curso de Python na fundación FEUGA e o webinar “A Legal Guide To Open Works”. Algunhas novidades relacionadas co mundo do software libre que foron noticia neste último mes foi a apertura do rexistro de asistentes para o congreso esLIbre 2023, a publicación doutro Mancomún Podcast (Global Game Jam, creación colectiva de videoxogos en Pontevedra), a publicación dun artigo TIC e pílula en vídeo sobre aplicacións libres para Android orientadas a empresa (Nextcloud Files, recupera o control dos teus datos) e a nova sobre Ondsel, FreeCAD para profesionais.
Proxecto destacado
RustDesk, infraestrutura de escritorio virtual ou remoto de software libre e multiplataforma (Windows, macOS, GNU/Linux, iOS, Android e Web.). Funciona sen necesidade de configuracións complicadas. Ten o control total dos teus datos, sen preocupacións de seguridade. Conta cunha licenza GNU Affero General Public License v3.0. Pode utilizarse a través do servidor público de RustDesk ou auto aloxalo no teu propio servidor. Conta con cifrado de extremo a extremo. Podes controlar o rexistro de accesos e xestionar os permisos desde unha moderna interface de usuario.
No portal de Mancomún difundíronse varios eventos como a Akademy 2023 que se celebrará en Salónica, a esLibre que terá lugar o 12 e 13 de maio en Zaragoza, a programación de actividades da aula AMTIC do Concello de Ames, un novo meetup organizado por WordPress Coruña, os cursos de LibreOffice Calc na aula CeMIT de Combarro e as PyBirras en Coruña. Algunhas novidades relacionadas co mundo do software libre que foron noticia neste último mes foi o manual de boa gobernanza da Alianza OSPO, a publicación doutro programa de Mancomún Podcast (Pablo Mariño, gañador do primeiro premio ao mellor proxecto universitario con licenza libre 2022) e a publicación do artigo TIC sobre aplicacións libres para Android (OsmAnd, mapas e navegación).
Proxecto destacado
Trisquel, GNU/Linux é un sistema operativo totalmente libre para pequenas empresas, usuarios domésticos e centros educativos. Os principais obxectivos do proxecto son a produción dun sistema operativo totalmente libre. O proxecto naceu en 2004 co patrocinio da Universidade de Vigo. O 11 de decembro de 2008, Trisquel GNU/Linux foi incluída pola Free Software Foundation na lista de distribucións GNU/Linux 100 % libres dispoñibles no website de GNU, seguindo o proceso de verificación para asegurar o compromiso do equipo de desenvolvemento de Trisquel e a súa comunidade para promover e distribuír tan só software 100 % libre.
Xunta de Galicia, Información mantida e publicada na internet pola Xunta de Galicia
Este sitio web utiliza cookies para que poidamos ofrecerche a mellor experiencia de usuario posible.A información das cookies gárdase no teu navegador e realiza funcións como recoñecelo cando volves ao noso sitio web e axudar ao noso equipo a comprender que seccións do sitio web che resultan máis interesantes e útiles.
Cookies estrictamente necesarias
As cookies estrictamente necesarias deben estar activadas en todo momento para que poidamos gardar as súas preferencias para a configuración de cookies.
If you disable this cookie, we will not be able to save your preferences. This means that every time you visit this website you will need to enable or disable cookies again.
Cookies de terceiros
Este sitio web usa Google Analytics para recoller información anónima como o número de visitantes do sitio e as páxinas máis populares.
Please enable Strictly Necessary Cookies first so that we can save your preferences!
